ನವದೆಹಲಿ: ಎಫ್‌ಐಹೆಚ್ ಪ್ರೊ ಲೀಗ್‌ನಲ್ಲಿ ಹರ್ಮನ್‌ಪ್ರೀತ್ ಸಿಂಗ್ (11ನೇ ನಿಮಿಷ), ಲಲಿತ್ ಉಪಾಧ್ಯಾಯ (25ನೇ ನಿಮಿಷ) ಮತ್ತು ಮಂದೀಪ್ ಸಿಂಗ್ ಅವರ (58ನೇ ನಿಮಿಷ) ಗೋಲುಗಳಿಂದ ಒಲಂಪಿಕ್ ಚಾಂಪಿಯನ್ ಅರ್ಜೆಂಟೀನಾ ವಿರುದ್ಧ ಭಾರತವು ತಮ್ಮ ಎರಡನೇ ಗೆಲುವನ್ನು ಸಾಧಿಸಿದೆ. ಭಾರತ ಅರ್ಜೆಂಟೀನಾ ವಿರುದ್ಧ 3-0 ಗೋಲುಗಳಿಂದ ಜಯಗಳಿಸಿದೆ.
ತಮ್ಮ 50 ನೇ ಅಂತರರಾಷ್ಟ್ರೀಯ ಪಂದ್ಯವನ್ನು ಆಡುತ್ತಿದ್ದ ಕ್ರಿಶನ್ ಬಹದ್ದೂರ್ ಪಾಠಕ್,ಮೊದಲ ಕ್ವಾರ್ಟರ್ ನಲ್ಲಿ ಮೂರು ಅದ್ಭುತ ಸೇವ್ ಗಳನ್ನು ಮಾಡಿ ಭಾರತಕ್ಕೆ ಹೆಚ್ಚಿನ ಮುನ್ನಡೆ ಗಳಿಸಲು ನೆರವಾದರು,
ಮುಖ್ಯ ತರಬೇತುದಾರ ಗ್ರಹಾಂ ರೀಡ್ ಈ ಪಂದ್ಯದಲ್ಲಿ ಭಾರತದ ಅದ್ಭುತ ಗೆಲುವಿನ ಬಗ್ಗೆ ಹರ್ಷ ವ್ಯಕ್ತಪಡಿಸಿದರು. ಈ ಗೆಲುವು ಭಾರತವನ್ನು ಎಫ್‌ಐಹೆಚ್ ಪ್ರೊ ಲೀಗ್‌ನಲ್ಲಿ ನಾಲ್ಕನೇ ಸ್ಥಾನಕ್ಕೆ (ಎಂಟು ಪಂದ್ಯಗಳ ನಂತರ)ಏರಿಸಿದೆ.
ಮೇ 8 ಮತ್ತು 9 ರಂದು ಲಂಡನ್‌ನಲ್ಲಿ ಗ್ರೇಟ್ ಬ್ರಿಟನ್ ವಿರುದ್ಧದ ಎಫ್‌ಐಹೆಚ್ ಪ್ರೊ ಲೀಗ್ ಪಂದ್ಯಗಳನ್ನು ಆಡುವ ಮುನ್ನ ಭಾರತವು ಏಪ್ರಿಲ್ 13 ಮತ್ತು 14 ರಂದು ಅರ್ಜೆಂಟೀನಾ ವಿರುದ್ಧ ಬ್ಯೂನೊ ಐರಿಸ್‌ನಲ್ಲಿ ಎರಡು ರಾಷ್ಟ್ರಗಳ ಸ್ನೇಹ ಸೌಹಾರ್ದತೆ ಹಿನ್ನೆಲೆಯಲ್ಲಿ ಎರಡು ಪಂದ್ಯಗಳನ್ನು ಆಡಲಿದೆ.
