ನವದೆಹಲಿ: ಜಪಾನ್ ಪ್ರಧಾನಿ ಶಿಂಜೋ ಅಬೆ ಮೂರು ದಿನಗಳ ಪ್ರವಾಸಕ್ಕಾಗಿ ಶುಕ್ರವಾರ ಭಾರತಕ್ಕೆ ಆಗಮಿಸಿದ್ದು, ಇಂದು ಪ್ರಧಾನಿ ನರೇಂದ್ರ ಮೋದಿಯವರ ಜತೆ ಮಾತುಕತೆ ನಡೆಸಿದ್ದಾರೆ.
ಶನಿವಾರ ನವದೆಹಲಿಯ ಹೈದ್ರಾಬಾದ್ ಹೌಸ್‌ನಲ್ಲಿ ನಡೆದ ಭಾರತ ಮತ್ತು ಜಪಾನ್ ಉದ್ಯಮಿಗಳ ಚರ್ಚಾ ವೇದಿಕೆಯನ್ನುದ್ದೇಶಿಸಿ ಮಾತನಾಡಿದ ಮೋದಿ, ಭಾರತ ಅವಕಾಶಗಳ ಭೂಮಿ ಎಂದು ಹೇಳಿದ್ದಾರೆ.
ಅಬೆ ಅವರ ಈ ಪ್ರವಾಸದಲ್ಲಿ ಮುಂಬೈ - ಅಹಮದಾಬಾದ್ ನಡುವಿನ ದೇಶದ ಮೊದಲ ಬುಲೆಟ್ ಟ್ರೈನ್ ಯೋಜನೆಗೆ ಸಹಿ ಹಾಕಲಾಗುತ್ತದೆ. ಅಂದ ಹಾಗೆ ಈ ಯೋಜನೆಯ ಒಟ್ಟು ಮೊತ್ತ ರು.98 ಸಾವಿರ ಕೋಚಿ. ಜತೆಗೆ ನಾಗರಿಕ ಅಣು ಒಪ್ಪಂದಕ್ಕೂ ಸಹಿ ಹಾಕಲಾಗುತ್ತದೆ.
ಚರ್ಚಾ ವೇದಿಕೆಯನ್ನುದ್ದೇಶಿಸಿ ಮಾತನಾಡಿದ ಮೋದಿ, ದೇಶಕ್ಕೆ ಬುಲೆಟ್ ಟ್ರೈನ್ ಮಾತ್ರವಲ್ಲ, ಕ್ಷಿಪ್ರ ಗತಿಯಲ್ಲಿ ದೇಶ ಅಭಿವೃದ್ಧಿ ಹೊಂದಬೇಕಿದೆ ಎಂದಿದ್ದಾರೆ.
