ಶ್ರೀನಗರ: ಜಮ್ಮು ಕಾಶ್ಮೀರದ ಶೋಪಿಯನ್ ಜಿಲ್ಲೆಯಲ್ಲಿ ಬುಧವಾರ ನಡೆಯುತ್ತಿರುವ ಭದ್ರತಾ ಪಡೆಗಳ ಮತ್ತು ಹಿಜ್ಬುಲ್ ಮುಜಾಹಿದ್ದೀನ್ ಗುಂಡಿನ ಕಾಳಗದಲ್ಲಿ ಉಗ್ರ ಸಂಘಟನೆಯ ಒಬ್ಬ ಪ್ರತ್ಯೇಕವಾದಿ ಗೆರಿಲ್ಲಾ ಸಾವನ್ನಪ್ಪಿದ್ದಾನೆ ಎಂದು ತಿಳಿದುಬಂದಿದೆ.
"ಶ್ರೀಮಾಲ್ ಹಳ್ಳಿಯಲ್ಲಿ (ಶೋಪಿಯನ್) ಹಿಜ್ಬುಲ್ ಮುಜಾಹಿದ್ದೀನ್ ಸಂಘಟನೆಯ ಇಬ್ಬರು ಉಗ್ರರು ಅಡಗಿದ್ದಾರೆ ಎಂಬ ಬೇಹುಗಾರಿಕಾ ವರದಿಯ ಆಧಾರದ ಬೆನ್ನು ಹತ್ತಿದ ಭದ್ರತಾ ಪಡೆಗಳು ನೆನ್ನೆ ಸಂಜೆ ಹಳ್ಳಿಯನ್ನು ಸುತ್ತುವರೆದಿದ್ದವು" ಎಂದು ಹಿರಿಯ ಪೊಲೀಸ್ ಅಧಿಕಾರಿ ತಿಳಿಸಿದ್ದಾರೆ.
"ಭದ್ರತಾ ಪಡೆಗಳು ಉಗ್ರರ ಅಡಗು ತಾಣವನ್ನು ಸುತ್ತುವರೆದ ಮೇಲೆ, ಉಗ್ರರು ಅಪ್ರಚೋದಿತ ಗುಂಡಿನ ದಾಳಿ ನಡೆಸಿದ್ದರ ಪರಿಣಾಮ ಭದ್ರತಾ ಪಡೆಗಳು ಅದಕ್ಕೆ ಉತ್ತರಿಸಬೇಕಾಯಿತು. ಇದರ ಪರಿಣಾಮ ಒಬ್ಬ ಉಗ್ರನನ್ನು ಹತ್ಯೆ ಮಾಡಲಾಗಿದೆ" ಎಂದು ಅಧಿಕಾರಿ ತಿಳಿಸಿದ್ದಾರೆ.
ಮಂಗಳವಾರ ರಾತ್ರಿ ದಟ್ಟ ಕತ್ತಲು ಕವಿದ ಕಾರಣ ಕಾರ್ಯಾಚರಣೆಯನ್ನು ನಿಲ್ಲಿಸಲಾಗಿತ್ತು. ಈಗ ಮತ್ತೆ ಉಗ್ರರ ಬೇಟೆಯನ್ನು ಮರು ಪ್ರಾರಂಭಿಸಲಾಗಿದೆ ಎಂದು ಅಧಿಕಾರಿ ತಿಳಿಸಿದ್ದಾರೆ.
