ನವದೆಹಲಿ: ಮಹಾರಾಷ್ಟ್ರದ ಜೈತ್ಪುರದಲ್ಲಿ ಆರು ಅಣು ಸ್ಥಾವರಗಳ ಸ್ಥಾಪನೆಯ ಒಪ್ಪಂದಕ್ಕೆ ಭಾರತ ಮತ್ತು ಫ್ರಾನ್ಸ್ ಸಹಿ ಹಾಕಿವೆ. ಎರಡು ದೇಶಗಳು ಉನ್ನತ ಅಧಿಕಾರಿಗಳು ಭೇಟಿ ಮಾಡಿ ಮಂಗಳವಾರ ಈ ಒಪ್ಪಂದವನ್ನು ಅಂತಿಮಗೊಳಿಸಿವೆ ಎಂದು ಮೂಲಗಳು ತಿಳಿಸಿವೆ.
ಭಾರತದಲ್ಲಿ ಅಣು ವಿದುಚ್ಚಕ್ತಿಯ ಉತ್ಪಾದನೆಗೆ ಫ್ರಾನ್ಸ್ ಸಹಕಾರ ನೀಡುವುದಕ್ಕೆ ಬದ್ಧವಾಗಿದೆ ಎಂದು ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದ ಭಾರತದ ಫ್ರಾನ್ಸ್ ರಾಯಭಾರಿ ಫ್ರಾಂಕೋಯಿಸ್ ರಿಚಿಯರ್ ಹೇಳಿದ್ದಾರೆ ಎಂದು ತಿಳಿದುಬಂದಿದೆ.
ಫ್ರಾನ್ಸ್ ಅಧ್ಯಕ್ಷ ಫ್ರಾಂಕೋಯಿಸ್ ಹಾಲ್ಲೇಂಡ್ ಜನವರಿಯಲ್ಲಿ ಭಾರತಕ್ಕೆ ಭೇಟಿ ನೀಡಿದ ವೇಳೆಯಲ್ಲಿ ಈ ಮಾತುಕತೆಗಳು ಪ್ರಾರಂಭವಾಗಿದ್ದವು. ಫ್ರಾನ್ಸ್ ನ ಇ ಡಿ ಎಫ್ ಮತ್ತು ಭಾರತದ ಎನ್ ಪಿ ಸಿ ಐ ಎಲ್ ಸಹಯೋಗದಲ್ಲಿ ಈ ವರ್ಷದ ಕೊನೆಗೆ ಅಣು ಸ್ಥಾವರಗಳ ಸ್ಥಾಪನೆಗೆ ರೂಪುರೇಶೆ ನಿರ್ಮಿಸಲಾಗಿದೆ ಎಂದು ತಿಳಿಯಲಾಗಿದೆ.
Advertisement