4 ವರ್ಷಗಳ ಹಿಂದೆ ತೆರೆಕಂಡ ‘ಕಾಂತಾರ’ ಚಿತ್ರ ಕನ್ನಡ ಚಿತ್ರರಂಗಕ್ಕೆ ಹೊಸ ಅಧ್ಯಾಯ ಬರೆದಿತ್ತು. ಕರಾವಳಿಯ ಭೂತ-ದೈವ ಆರಾಧನೆ, ಅರಣ್ಯ ಜನಾಂಗದ ಬದುಕು ಮತ್ತು ಆಡಳಿತವರ್ಗದ ನಡುವಿನ ಸಂಘರ್ಷವನ್ನು ಚಿತ್ರಿಸಿ, ಅದು ದೇಶದಾದ್ಯಂತ ಮೆಚ್ಚುಗೆ ಗಳಿಸಿತ್ತು. ಇದರ ಬೆನ್ನಲ್ಲೇ ʼಕಾಂತಾರ: ಚಾಪ್ಟರ್ 1' ಕೂಡ ಬಿಡುಗಡೆಯಾಗಿ ಪ್ರೇಕ್ಷಕರ ಮನೆ ಗೆದ್ದಿದೆ.
ಕದಂಬ ರಾಜಾಡಳಿತ ಕಾಲದ ಕಥೆಯನ್ನು ರಿಷಬ್‌ ಈ ಭಾಗದಲ್ಲಿ ಹೇಳಿದ್ದು, ನೈಜ ಕಾಡಿನಲ್ಲೇ ಚಿತ್ರೀಕರಿಸಲಾಗಿದೆ. ಈ ಸಿನಿಮಾದ ಇಡೀ ಚಿತ್ರವನ್ನು ಕರ್ನಾಟಕದಲ್ಲೇ ಚಿತ್ರೀಕರಿಸಲಾಗಿದ್ದು, ಮಲೆನಾಡು ಹಚ್ಚ ಹಸಿರು, ಬೆಟ್ಟಗಳು, ಜಲಪಾತಗಳು ಮತ್ತು ನದಿಗಳನ್ನು ಸುಂದರವಾಗಿ ತೋರಿಸಲಾಗಿದೆ.
ಸ್ಥಳೀಯ ಹಳ್ಳಿಯಾದ ಕೆರಾಡಿ ಜನಪ್ರಿಯ ಸ್ಥಳವಾಗಿದ್ದರೂ, ಇಲ್ಲಿನ ಕೆಲವು ಸ್ಥಳಗಳ ಬಗ್ಗೆ ಜನರಿಗೆ ಮಾಹಿತಿ ಕಡಿಮೆಯೇ ಇದೆ. ಅಂತಹ ಕೆಲವು ಸ್ಥಳಗಳ ವಿವರ ಇಲ್ಲಿವೆ..
ಕಾಂತರಾ ಚಿತ್ರದಲ್ಲಿ ಈ ಜಲಪಾತ ಕಾಣಿಸಿಕೊಂಡಿದ್ದು ಕಾಂತರ ಚಿತ್ರದ ಬಳಿಕ ಈ ಜಲಪಾತ ಪ್ರವಾಸಿಗರ ಹಾಟ್ ಫೆವರೇಟ್ ಆಗಿದೆ. ಕುಂದಾಪುರದಿಂದ ಸುಮಾರು 35 ಕಿ.ಮೀ. ದೂರವಿದ್ದು, ಹೊಸಂಗಡಿಯಿಂದ 10 ಕಿ.ಮೀ. ಅಂತರದಲ್ಲಿದೆ. ಮಳೆಗಾಲದಲ್ಲಿ ಮಾತ್ರ ಮೈದುಂಬಿ ಹರಿಯುವ ಈ ಜಲಪಾತವು ನೋಡುಗರ ಕಣ್ಣಿಗೆ ಮನಮೋಹಕವಾಗಿದೆ. ಕಾನನದ ನಡುವೆ ಇರುವ ಈ ಜಲಪಾತ ಮಳೆಗಾಲದಲ್ಲಿ ತುಂಬಿ ಹರಿಯುವುದನ್ನು ನೋಡುವುದೇ ಚಂದ.
ಮಳೆಗಾಲದಲ್ಲಿ ಬೆಳ್ಕಲ್ ತೀರ್ಥದಲ್ಲಿ ಕಾನನದ ನಡುವಿನ ಹಸಿರು ಪ್ರಕೃತಿಯ ಸೊಬಗಿನಲ್ಲಿ ಧುಮ್ಮಿಕ್ಕುವ ಜಲಧಾರೆ ಜನರನ್ನು ಆಕರ್ಷಿಸುತ್ತದೆ. ಈ ಜಲಪಾತ ಸರಿಸುಮಾರು 500 ಅಡಿ ಎತ್ತರದಿಂದ ಧುಮ್ಮಿಕ್ಕಿ ಹರಿಯುತ್ತದೆ. ಈ ಜಲಪಾತ ಕುಂದಾಪುರದಿಂದ ಸುಮಾರು 50 ಕಿ.ಮೀ., ಕೊಲ್ಲೂರಿನಿಂದ 15 ಕಿ.ಮೀ. ದೂರದಲ್ಲಿದೆ. ಹೆಮ್ಮಾಡಿ - ಕೊಲ್ಲೂರು ಮುಖ್ಯ ರಸ್ತೆಯ ಜಡ್ಕಲ್‌ಗೆ ತೆರಳಿ, ಅಲ್ಲಿಂದ ಮುದೂರಿಗೆ ತೆರಳುವ ರಸ್ತೆಯಲ್ಲಿ 8 ಕಿ.ಮೀ. ಸಾಗಬೇಕು. ಅಲ್ಲಿ ಮೈದಾನ ಎಂಬ ಊರಿದ್ದು ಅಲ್ಲಿಂದ ಸ್ವಲ್ಪ ದೂರದವರೆಗೆ ಮಾತ್ರ ವಾಹನ ಸಂಚಾರ ಸಾಧ್ಯವಿದೆ. ಮತ್ತೆ 4-5 ಕಿ.ಮೀ. ಕಾಡಿನಲ್ಲಿ ಬೆಟ್ಟ, ಗುಡ್ಡ, ಕಡಿದಾದ ದಾರಿಯಲ್ಲಿ ಕಾಲ್ನಡಿಗೆಯ ಮೂಲಕವೇ ತೆರಳಬೇಕು. ಸಿದ್ಧಾಪುರ, ಹಳ್ಳಿಹೊಳೆ ಮಾರ್ಗವಾಗಿಯೂ ಬೆಳ್ಕಲ್ ತೀರ್ಥಕ್ಕೆ ಬರಬಹುದು.
ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನ ಮಾಸ್ತಿಕಟ್ಟೆಯ ಮಾಣಿ ಜಲಾಶಯ ʼಕಾಂತಾರ: ಚಾಪ್ಟರ್ 1' ಚಿತ್ರದ ಗೆಲುವಿನಲ್ಲಿ ಪ್ರಧಾನ ಪಾತ್ರ ವಹಿಸಿದೆ. ವಾರಾಹಿ ನದಿಗೆ ಅಡ್ಡಲಾಗಿ ಕಟ್ಟಿರುವ ಈ ಅಣೆಕಟ್ಟಿನ ಸುತ್ತ ಹಚ್ಚ ಹಸಿರಿನಿಂದ ಕಂಗೊಳಿಸುವ ಕಾಡು ಇದ್ದು, ಚಿತ್ರದ ಪ್ರಧಾನ ಆಕರ್ಷಣೆ ಎನಿಸಿಕೊಂಡಿದೆ. ಈ ಜಲಾಶಯದಲ್ಲಿ ಶೂಟಿಂಗ್‌ ನಡೆಸುತ್ತಿದ್ದಾಗ ದೋಣಿ ಮಗುಚಿ ಅವಘಡ ಸಂಭವಿಸಿತ್ತು. ಈ ವೇಳೆ ರಿಷಬ್‌ ಮತ್ತು ತಂಡ ಯಾವುದೇ ಅಪಾಯವಿಲ್ಲದೆ ಪಾರಾಗಿತ್ತು.
ಈ ಮಾಣಿ ಜಲಾಶಯವು ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನಲ್ಲಿರುವ ವರಾಹಿ ನದಿಗೆ ನಿರ್ಮಿಸಲಾದ ಜಲವಿದ್ಯುತ್ ಉತ್ಪಾದನಾ ಜಲಾಶಯವಾಗಿದೆ, ಇದನ್ನು "ಬೆಟ್ಟದ ಮೇಲಿನ ಬಟ್ಟಲು" ಎಂದು ಕರೆಯಲಾಗುತ್ತದೆ. ಈ ಜಲಾಶಯವು ವಿಶಿಷ್ಟವಾದ ವಿನ್ಯಾಸವನ್ನು ಹೊಂದಿದ್ದು, ಭೂಗತ ವಿದ್ಯುತ್ ಕೇಂದ್ರಕ್ಕೆ ನೀರು ಒದಗಿಸುತ್ತದೆ. ಸಾರ್ವಜನಿಕರಿಗೆ ಇದರೊಳಗೆ ಪ್ರವೇಶಿಸಲು ಅನುಮತಿ ಇಲ್ಲ.
ಕಾಂತಾರ ಚಿತ್ರದ ಪ್ರಮುಖ ಭಾಗದ ಚಿತ್ರೀಕರಣವನ್ನು ಕುಂದಾಪುರದ ಕೆರಾಡಿ ಬಳಿಯ ಹೆಗ್ಗದ್ದೆ ಎಂಬ ಹಳ್ಳಿಯಲ್ಲಿ ಮತ್ತು ಸುತ್ತಮುತ್ತ ಚಿತ್ರೀಕರಿಸಲಾಯಿತು. ಚಿತ್ರೀಕರಣಕ್ಕಾಗಿ ಇಲ್ಲಿನ ಪರ್ವತಗಳಲ್ಲಿ 25 ಎಕರೆ ವಿಸ್ತೀರ್ಣದ ಬೃಹತ್ ಸೆಟ್ ಅನ್ನು ನಿರ್ಮಿಸಲಾಗಿತ್ತು. ಇದು ಅನೇಕ ಹೊರಾಂಗಣ ದೃಶ್ಯಗಳಿಗೆ ಆಧಾರವಾಗಿ ಕಾರ್ಯನಿರ್ವಹಿಸಿತು,
ಈ ಪ್ರದೇಶದ ಬುಡಕಟ್ಟು ಜೀವನದ ನಿಜವಾದ ಭಾವನೆಯನ್ನು ಸೆರೆಹಿಡಿಯಿತು. ಇಡೀ ಸಾಹಸಗಾಥೆಯ ಕೇಂದ್ರ ಬಿಂದುವಾಗಿರುವ ಬಾಂಗ್ರಾ ನಗರ, ಮಾರುಕಟ್ಟೆಗಳು ಮತ್ತು ದೇವಾಲಯ, ವಿಶೇಷವಾಗಿ ರಥ, ರಾಜ ಮನೆತನ ಮತ್ತು ಕಲಾವಿದರ ನಡುವಿನ ಆರಂಭಿಕ ಮಾತುಕತೆಗಳಿಗೆ ಇಲ್ಲಿನ ಸೆಟ್'ನ್ನೇ ಬಳಸಿಕೊಳ್ಳಲಾಗಿತ್ತು.
ಪಶ್ಚಿಮ ಘಟ್ಟದ ಸಾಲಿನಲ್ಲಿ ಬರುವ ಸಕಲೇಶಪುರ ಕೂಡ ಕಾಡಿನಿಂದ ಸಮೃದ್ಧವಾಗಿದ್ದು, ಇಲ್ಲಿ ಚಿತ್ರದ ಪ್ರಮುಖ ಭಾಗವನ್ನು ಚಿತ್ರೀಕರಿಸಲಾಗಿದೆ. ಮುಖ್ಯ ಭಾಗದಲ್ಲಿ ಬರುವ ಯುದ್ಧದ ದೃಶ್ಯವನ್ನು ಸೆರೆ ಹಿಡಿದಿದ್ದು ಇಲ್ಲಿಯೇ. ಹಸಿರಿನಿಂದ ಕೂಡಿದ ಭೂ ಪ್ರದೇಶ, ಅದನ್ನು ಆವರಿಸುವ ಮಂಜು ಸ್ವರ್ಗ ಸದೃಶ ವಾತಾವರನ ನಿರ್ಮಿಸುತ್ತದೆ. ಅದನ್ನು ಚಿತ್ರದಲ್ಲಿ ಸಮರ್ಥವಾಗಿ ಸೆರೆ ಹಿಡಿಯಲಾಗಿದೆ.
ಗವಿ ಬೆಟ್ಟದ ಅಂಚಿನಲ್ಲಿರುವ ಗೋಮಾಳ (ಮೇಯಿಸುವಿಕೆ) ಭೂಮಿಯಲ್ಲಿ ಚಿತ್ರೀಕರಣ ಮಾಡಲು ಚಿತ್ರ ತಂಡವು ಅರಣ್ಯ ಇಲಾಖೆಯಿಂದ ವಿಶೇಷ ಅನುಮತಿಯನ್ನು ಕೋರಿತು. ಕಾಂತಾರ: ಅಧ್ಯಾಯ 1 ರ ಪ್ರಮುಖ ಯುದ್ಧ ಸನ್ನಿವೇಶಗಳನ್ನು ಈ ಪ್ರದೇಶಗಳ ಸುತ್ತಲಿನ ಪರ್ವತ ಮತ್ತು ಅರಣ್ಯ ಪ್ರದೇಶಗಳಲ್ಲಿ ಚಿತ್ರೀಕರಿಸಲಾಗಿದೆ ಎಂದು ವರದಿಯಾಗಿದೆ.
ʼಕಾಂತಾರ: ಚಾಪ್ಟರ್ 1' ಸಿನಿಮಾದಲ್ಲಿ ಕಾಡಿನ ಬುಡಕಟ್ಟು ಜನಾಂಗ ಮತ್ತು ರಾಜ ಮನೆತನದ ನಡುವಿನ ಸಂಘರ್ಷವೇ ಮುಖ್ಯ ತಿರುಳು. ಹೀಗಾಗಿ ಚಿತ್ರದ ಬಹುತೇಕ ಭಾಗವನ್ನು ಕಾಡಿನಲ್ಲೇ ಚಿತ್ರೀಕರಿಸಲಾಗಿದೆ.
Advertisement