ದುಬೈ: ಸಾರ್ವಜನಿಕ ಸ್ಥಳದಲ್ಲಿ ಜೂಜಾಡುತ್ತಿದ್ದ ಐವರು ಭಾರತೀಯರನ್ನು ಕುವೈಟ್ ಸರ್ಕಾರ ಭಾರತಕ್ಕೆ ಗಡಿಪಾರು ಮಾಡಿದೆ. ಕುವೈಟ್ನಲ್ಲಿ ಜೂಜಿಗೆ ನಿಷೇಧವಿದೆ.
ಹೀಗಿದ್ದಾಗ್ಯೂ, ಫಹೈಹೀ ಪ್ರದೇಶದಲ್ಲಿ ಐವರು ಭಾರತೀಯರು ಜೂಜಾಡುತ್ತಿದ್ದರು. ಇತರರು ಇವರ ಸುತ್ತ ನೆರೆದು, ಆಟವನ್ನು ವೀಕ್ಷಿಸುತ್ತಿದ್ದರು. ಆ ಸಮಯದಲ್ಲಿ ಪೊಲೀಸರ ಗಸ್ತುವಾಹನ ಅಲ್ಲಿಗೆ ಬಂದಿದ್ದು, ಜೂಜಾಡುತ್ತಿದ್ದವರ ಗುರುತಿನ ದಾಖಲೆಗಳನ್ನು ಕೇಳಿದೆ.
ಐವರ ಪೈಕಿ ಇಬ್ಬರಲ್ಲಿ ದಾಖಲೆಗಳೇ ಇರಲಿಲ್ಲ. ಈ ಹಿನ್ನೆಲೆಯಲ್ಲಿ ಇವರನ್ನು ಬಂಧಿಸಿ, ಭಾರತಕ್ಕೆ ಗಡಿಪಾರು ಮಾಡಲಾಗಿದೆ. ಇಲ್ಲಿನ ಯುವಕರು ಸಾಮಾಜಿಕ ಜಾಲತಾಣಗಳ ಮೂಲಕ ಪೋಕರ್, ಬ್ಲ್ಯಾಕ್ ಜಾಕ್, ರೂಲೆಟ್ನಂತಹ ಜೂಜಿನಲ್ಲಿ ತೊಡಗಿ ರುವುದು ಸರ್ಕಾರಕ್ಕೆ ತಲೆನೋವಾಗಿದೆ.
