ಸಿಯೋಲ್: ಉತ್ತರ ಕೊರಿಯಾದ ಆಡಿಳಿತಾರೂಢ ಪಕ್ಷದ ನಾಯಕ ಕಿಮ್ ಜೋಂಗ್ ಉನ್ ಅವರ ಆತ್ಮೀಯರೆಂದೇ ಖ್ಯಾತಿ ಪಡೆದಿದ್ದ ಕಿಮ್ ಯಾಂಗ್ ಗೊನ್ ಅವರು ಬುಧವಾರ ಅಪಘಾತವೊಂದರಲ್ಲಿ ಸಾವನ್ನಪ್ಪಿದ್ದಾರೆಂದು ವರದಿಗಳು ತಿಳಿಸಿವೆ.
ವರ್ಕರ್ಸ್ ಪಾರ್ಟಿ (ಕಾರ್ಮಿಕರ ಪಕ್ಷ)ಯಲ್ಲಿ ಕಾರ್ಯದರ್ಶಿ ಮತ್ತು ಯುನೈನೆಟ್ ಫ್ರಂಟ್ ಡಿಪಾರ್ಟ್ ಮೆಂಟ್ ನಲ್ಲಿ ಮುಖ್ಯಸ್ಥರಾಗಿ ಕಾರ್ಯನಿರ್ವಹಿಸಿದ್ದ ಕಿಮ್ ಯಾಂಗ್ ಗೊನ್ ಅವರು ಕಾರು ಅಪಘಾತವೊಂದರಲ್ಲಿ ಸಾವನ್ನಪ್ಪಿದ್ದಾರೆಂದು ತಿಳಿದುಬಂದಿದೆ.
ಕಿಮ್ ಯಾಂಗ್ ಗೋನ್ ಅವರ ಸಾವು ಕುರಿತಂತೆ ಪ್ರತಿಕ್ರಿಯೆ ನೀಡಿರು ಉತ್ತರ ಕೊರಿಯಾದ ನಾಯಕತ್ವ ತಜ್ಞ ಮೈಕೆಲ್ ಮ್ಯಾಡೆನ್, ಕಿಮ್ ಯಾಂಗ್ ಅವರು ಅನುಭವಿ ಸಲಹೆಗಾರರಾಗಿದ್ದರು ಹಾಗೂ ವಿದೇಶ ವ್ಯವಹಾರಗಳ ಸಾಕಷ್ಟು ತಿಳಿದುಕೊಂಡಿದ್ದಂತಹ ವ್ಯಕ್ತಿಯಾಗಿದ್ದರು. ಅಲ್ಲದೆ, ಅವರು ಸಮಾಜದಲ್ಲಿ ಸಾಕಷ್ಟು ಸಂಪರ್ಕಗಳನ್ನು ಹೊಂದಿದ್ದರು. ಅವರ ಸಾವು ಸಾಕಷ್ಟು ನೋವನ್ನುಂಟು ಮಾಡಿದೆ ಎಂದು ಹೇಳಿದ್ದಾರೆ.
