ಸರ್ಕಾರಿ ಸ್ವಾಮ್ಯದ ಚೀನಾದ ಗ್ಲೋಬಲ್ ಟೈಮ್ಸ್ ಭಾರತದ ಬಗ್ಗೆ ಲೇಖನ ಪ್ರಕಟಿಸಿದ್ದು, ಅಮೆರಿಕ ಹಾಗೂ ಪಶ್ಚಿಮದ ಪ್ರಭಾವಿ ರಾಷ್ಟ್ರಗಳು ಭಾರತವನ್ನು ಚೀನಾಗೆ ಪರ್ಯಾಯವಾಗಿ ಓಲೈಕೆ ಮಾಡುತ್ತಿವೆ. ಈ ಬೆಂಬಲದಿಂದ ಭಾರತ ತಾನು ಕಾರ್ಯತಂತ್ರದ ದೃಷ್ಟಿಯಿಂದ ಶ್ರೇಷ್ಠ ಎಂದು ಬೀಗುತ್ತಿದೆ. ಅಷ್ಟೇ ಅಲ್ಲದೇ ಜಿಡಿಪಿ ವಿಷಯದಲ್ಲಿ ವಿಶ್ವದಲ್ಲಿಯೇ 5 ನೇ ರಾಷ್ಟ್ರವಾಗಿದೆ. ಆದರೆ ರಾಷ್ಟ್ರೀಯ ಶಕ್ತಿಯೈ ವಿಷಯದಲ್ಲಿ ಭಾರತ ಚೀನಗಿಂತ ಹಿಂದುಳಿದಿದೆ ಎಂಬುದನ್ನು ಮರೆಯಬಾರದು ಎಂದು ಚೀನಾದ ಗ್ಲೋಬಲ್ ಟೈಮ್ಸ್ ಪತ್ರಿಕೆ ಎಚ್ಚರಿಸಿದ್ದು, ಗಡಿಯ ವಿಷಯದಲ್ಲಿ ಚೀನಾವನ್ನು ಎದುರುಹಾಕಿಕೊಳ್ಳಲು ಭಾರತಕ್ಕೆ ಸಾಧ್ಯವಿಲ್ಲ ಎಂದು ಹೇಳಿದೆ.