ಈ ಭಾಗ ತನ್ನದೆಂದು ದಶಕಗಳಿಂದ ಹೇಳಿಕೊಂಡು ಬಂದಿದ್ದರೂ, ಪಾಕಿಸ್ತಾನ ಮಾತ್ರ ಈ ಭಾಗಕ್ಕೆ ರಾಜ್ಯದ ಸ್ಥಾನಮಾನ ನೀಡಿರಲಿಲ್ಲ. ಗಿಲ್ಗಿಟ್ ಮತ್ತು ಬಾಲ್ಟಿಸ್ತಾನದಲ್ಲಿ ನೆಪ ಮಾತ್ರಕ್ಕೆ ಚುನಾವಣೆ ನಡೆಸು ಸರ್ಕಾರವೊಂದು ಇಲ್ಲಿನ ಅಧಿಕಾರವಹಿಸಿಕೊಳ್ಳುತ್ತದೆ. ಆದರೆ, ಅಧಿಕಾರವೆಲ್ಲ ಪಾಕಿಸ್ತಾನದ ನಿಯಂತ್ರಣದಲ್ಲಿಯೇ ಇರುತ್ತದೆ. ಪಾಕಿಸ್ತಾನ ಪ್ರಧಾನಮಂತ್ರಿ ನೇತೃತ್ವದ ಮಂಡಳಿಯ ಕೈಯಲ್ಲಿ ಇಲ್ಲಿನ ಅಧಿಕಾರವಿರುತ್ತದೆ. ಇಲ್ಲಿರುವ ಸಂಪನ್ಮೂಲಗಳು ಅಲ್ಲಿಂದ ಬರುವ ಆದಯ ಎಲ್ಲವನ್ನು ನಿಯಂತ್ರಿಸುವುದು ಇದೇ ಮಂಡಳಿಯೇ ಆಗಿರುತ್ತದೆ.
