ವಾಷಿಂಗ್ಟನ್: ತನ್ನ ಅಸ್ತಿತ್ವದ ಇತಿಹಾಸದಲ್ಲಿ ಅಮೆರಿಕಾದ ಶ್ವೇತ ಭವನ, ಕಟ್ಟಡದ ಪೂರ್ವಭಾಗದಲ್ಲಿರುವ ಚಿತ್ರಮಂದಿರವನ್ನು ಮೊದಲ ಬಾರಿಗೆ ಸಾರ್ವಜನಿಕರಿಗೆ ಮುಕ್ತಗೊಳಿಸಿದೆ ಎಂದು ಮಾಧ್ಯಮವೊಂದು ವರದಿ ಮಾಡಿದೆ.
"ಶ್ವೇತಭವನ ಈ ದೇಶದ ಜನಕ್ಕೆ ಸೇರಿದೆ" ಎಂದು ಅಮೆರಿಕಾದ ಮೊದಲ ಮಹಿಳೆ ಮೆಲಾನಿಯ ಟ್ರಂಪ್ ಶುಕ್ರವಾರ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
"ಶ್ವೇತ ಭವನಕ್ಕೆ ಭೇಟಿ ಕೊಡುವ ಎಲ್ಲರಿಗು, ಅದರ ಸಂಪದ್ಭರಿತ ಇತಿಹಾಸ ಮತ್ತು ಅದ್ಭುತ ಸಂಪ್ರದಾಯ ಎಲ್ಲರಿಗು ಸಿಗುವಂತೆ ಆಗಬೇಕು" ಎಂದು ಟ್ರಂಪ್ ಹೇಳಿರುವುದಾಗಿ ದ ಹಿಲ್ ನಿಯತಕಾಲಿಕೆ ವರದಿ ಮಾಡಿದೆ.
ಮಾಜಿ ಅಧ್ಯಕ್ಷ ಫ್ರಾಂಕ್ಲಿನ್ ರೂಸ್ವೆಲ್ಟ್ ಅವರ ಆಡಳಿತದಲ್ಲಿ ನಿರ್ಮಿಸಿದ್ದ ಈ ಚಿತ್ರಮಂದಿರವನ್ನು ೧೯೮೨ ಮತ್ತು ೧೯೮೩ ರ ನಡುವಿನಲ್ಲಿ ನವೀಕರಿಸಲಾಗಿತ್ತು.
ರಾಷ್ರಅಧ್ಯಕ್ಷ ಜಾರ್ಜ್ ಡಬ್ಲ್ಯೂ ಬುಷ್ ಅವರ ಕಾಲಾವಧಿಯಲ್ಲಿಯೂ ಇದನ್ನು ನವೀಕರಿಸಲಾಗಿತ್ತು.
ಅಧ್ಯಕ್ಷರ ಪ್ರಮುಖ ಭಾಷಣಗಳ ಪೂರ್ವಾಭ್ಯಾಸಕ್ಕೆ ಈ ಜಾಗವನ್ನು ಬಳಸಿಕೊಂಡರೂ, ಮೊದಲ ಕುಟುಂಬದ ಸಿನೆಮಾ ಚಟುವಟಿಕೆಗಳಿಗೆ ಇದನ್ನು ಬಳಸಲಾಗುತ್ತದೆ.
