ವಿಶ್ವದ ಸುರಕ್ಷಿತ ನಗರಗಳ ಪಟ್ಟಿ-2017: ಮೊದಲ ಸ್ಥಾನದಲ್ಲಿ ಟೋಕಿಯೋ, 43 ನೇ ಸ್ಥಾನದಲ್ಲಿ ದೆಹಲಿ!

ನವದೆಹಲಿ: 2017 ರ ಆರ್ಥಿಕ ಸುರಕ್ಷಿತ ನಗರಗಳ ಪಟ್ಟಿ ಬಿಡುಗಡೆಯಾಗಿದ್ದು, ಟೋಕಿಯೋ ನಗರ ಮೊದಲ ಸ್ಥಾನ ಪಡೆದಿದ್ದು, 43 ನೇ ಸ್ಥಾನದಲ್ಲಿ ರಾಷ್ಟ್ರ ರಾಜಧಾನಿ ದೆಹಲಿ ಇದೆ. 

ಆರ್ಥಿಕ ಗುಪ್ತಚರ ವಿಭಾಗದಿಂದ ಬಿಡುಗಡೆಯಾಗಿರುವ ವರದಿಯನ್ನು ಡಿಜಿಟಲ್, ಆರೋಗ್ಯ, ಮೂಲಭೂತ ಸೌಕರ್ಯ, ವೈಯಕ್ತಿಕ ಸುರಕ್ಷತೆ ಸೇರಿದಂತೆ 49 ಅಂಶಗಳನ್ನಾಧರಿಸಿ ತಯಾರಿಸಲಾಗಿದೆ. ಇದೇ ವೇಳೆ ದಿನದಿಂದ ದಿನಕ್ಕೆ ಹೆಚ್ಚಾಗುತ್ತಿರುವ ಭಯೋತ್ಪಾದಕ ಚಟುವಟಿಕೆಗಳನ್ನೂ ವರದಿ ತಯಾರಿಸುವ ವೇಳೆ ಪರಿಗಣಿಸಲಾಗಿದ್ದು, ಕೊನೆಯ 10 ನಗರಗಳಲ್ಲಿ ಢಾಕಾ, ಕರಾಚಿ ಸಹ ಇವೆ. 

ಲಂಡನ್ ಪ್ಯಾರಿಸ್ ನಂತಹ ಸಂಪತ್ಭರಿತ ನಗರಗಳೂ ಸಹ ಭಯೋತ್ಪಾದಕರ ಗುರಿಯಾಗುತ್ತಿವೆ ಎಂದು ವರದಿಯಲ್ಲಿ ಆತಂಕ ವ್ಯಕ್ತವಾಗಿದೆ.