ಘಟನೆಗೆ ಬ್ರಿಟನ್ ಪ್ರಧಾನಿ ತೆರೇಸಾ ಮೇ ತೀವ್ರ ಖಂಡನೆ ವ್ಯಕ್ತಪಡಿಸಿದ್ದು, ರೈಲಿನ ಮೇಲಿನ ಉಗ್ರರ ದಾಳಿ ಸಂಬಂಧವಾಗಿ ಈಗಾಗಲೇ ಪೊಲೀಸರು ಮತ್ತು ಭದ್ರತಾ ಅಧಿಕಾರಿಗಳು ತನಿಖೆ ಆರಂಭಿಸಿದ್ದಾರೆ. ಇಂಥಹ ಸಂದರ್ಭದಲ್ಲಿ ಹತಾಶೆಗೊಂಡ ಉಗ್ರರೇ ಈ ದಾಳಿ ಎಸಗಿದ್ದು ಎಂದು ತಮ್ಮ ಮನಸ್ಸಿಗೆ ತೋಚಿದಂತೆ ಊಹಿಸುವುದು ಸರಿಯಲ್ಲ. ಈ ಹೇಡಿ ಕೃತ್ಯವನ್ನು ಎಸಗಿದವರನ್ನು ಭದ್ರತಾಧಿಕಾರಿಗಳು ಪತ್ತೆ ಹಚ್ಚುತ್ತಾರೆಂಬ ಭರವಸೆಯಿದೆ ಎಂದು ಹೇಳಿದ್ದಾರೆ.
ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಅವರು ದಾಳಿ ಕುರಿತಂತೆ ಪ್ರತಿಕ್ರಿಯೆ ನೀಡಿದ್ದು, ಏನನ್ನೂ ಸಾಧಿಸಲಾಗದ ಹತಾಶ ಮನಸ್ಥಿತಿಯ ಉಗ್ರರು ಲಂಡನ್ ನಲ್ಲಿ ರೈಲಿನ ಮೇಲೆ ದಾಳಿ ಮಾಡಿದ್ದಾರೆ. ಈ ದಾಳಿಯನ್ನು ತಡೆಯುವಲ್ಲಿ ಅಲ್ಲಿನ ಪೊಲೀಸರು ವಿಫಲರಾಗಿದ್ದಾರೆ. ಉಗ್ರರ ನೇಮಕಕ್ಕೆ ಬಳಕೆಯಾಗುವ ಮುಖ್ಯ ಸಾಧನವಾದ ಇಂಟರ್ ನೆಟ್ ಸೇವೆಯನ್ನು ಅವರಿಗೆ ತಡೆ ಹಿಡಿಯಬೇಕು. ಉಗ್ರರ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳಬೇಕಿದೆ ಎಂದಿದ್ದಾರೆ.
2005ರ ಜು.7 ರಂದು ಲಂಡನ್ ನ ಟ್ಯೂಬ್ ರೈಲ್ವೆ ವ್ಯವಸ್ಥೆಯಲ್ಲಿ ಸರಣಿ ಆತ್ಮಾಹುತಿ ಬಾಂಬ್ ಸ್ಫೋಟಿಸಲಾಗಿತ್ತು. ಪರಿಣಾಮ 56 ಮಂದಿ ಸಾವನ್ನಪ್ಪಿದ್ದರು.
