ಅಂತೆಯೇ ಭಾರತದ ಯಾವುದೇ ಸಾಧನೆಗಳಿಗೆ ಬೆನ್ನೆಲುಬಾಗಿ ನಿಲ್ಲಲು ಅಮೆರಿಕ ಸಿದ್ದವಿದೆ ಎಂದು ವಿಶ್ವಾಸ ನೀಡಿರುವ ಟ್ರಂಪ್, ಜಪಾನ್ ನ ಒಸಾಕಾದಲ್ಲಿ ನಡೆಯಲಿರುವ ಜಿ20 ಶೃಂಗಸಭೆಯಲ್ಲಿ ಪರಸ್ಪರ ಭೇಟಿಯಾಗುವ ಕುರಿತು ಆಹ್ವಾನ ನೀಡಿದ್ದಾರೆ. ಇದಕ್ಕೆ ನರೇಂದ್ರ ಮೋದಿ ಅವರೂ ಕೂಡ ಒಪ್ಪಿಗೆ ನೀಡಿದ್ದಾರೆ ಎನ್ನಲಾಗಿದೆ. ಇನ್ನು ಇದೇ ಜೂನ್ 28 ಮತ್ತು 29 ರಂದು ಜಪಾನ್ ನ ಒಸಾಕಾದಲ್ಲಿ ಜಿ20 ಶೃಂಗಸಭೆ ಆಯೋಜನೆಯಾಗಿದ್ದು, ಈ ವೇಳೆ ಭಾರತ, ಜಪಾನ್ ಮತ್ತು ಅಮೆರಿಕ ತ್ರಿಪಕ್ಷೀಯ ಮಾತುಕತೆ ನಡೆಸಲಿವೆ.
