ಕೆನಡಾ ವಾಯುಪ್ರದೇಶದಲ್ಲಿ ರಹಸ್ಯ ವಸ್ತುವನ್ನು ಹೊಡೆದುರುಳಿಸಿದ ಅಮೆರಿಕ ಯುದ್ಧ ವಿಮಾನ 

ಒಟ್ಟಾವಾ: ಉತ್ತರ ಅಮೆರಿಕದ ನೆರೆಹೊರೆಯವರು ನಡೆಸಿದ ಜಂಟಿ ಕಾರ್ಯಾಚರಣೆಯಲ್ಲಿ ಯುಎಸ್ ಯುದ್ಧ ವಿಮಾನ ಕೆನಡಾದ ಮೇಲೆ ಅಪರಿಚಿತ ವಸ್ತುವನ್ನು ಹೊಡೆದುರುಳಿಸಿದೆ. ವಾರದ ಹಿಂದೆ ಶಂಕಿತ ಚೀನಾದ ಪತ್ತೇದಾರಿ ಬಲೂನ್ ನ್ನು ಉರುಳಿಸಿದ ನಂತರ ಆಕಾಶದಲ್ಲಿ ಎರಡನೇ ಕಾರ್ಯಾಚರಣೆ ಇದಾಗಿದೆ. 

ನಿಗೂಢ ಬಲೂನ್ ನಂತರ ವಸ್ತುವನ್ನು ಕೆಡವಲು ಆದೇಶಿಸಿದ್ದಾಗಿ ಪ್ರಧಾನ ಮಂತ್ರಿ ಜಸ್ಟಿನ್ ಟ್ರುಡೊ ಹೇಳಿದ್ದಾರೆ. ಕೆನಡಿಯನ್ ಮತ್ತು ಯುಎಸ್ ವಿಮಾನಗಳನ್ನು ಕೆಡವಲಾಗಿದೆ. ಯುಎಸ್ ಎಫ್ -22 ವಸ್ತುವಿನ ಮೇಲೆ ಯಶಸ್ವಿಯಾಗಿ ಗುಂಡು ಹಾರಿಸಲಾಗಿದೆ ಎಂದು ಟ್ರುಡೊ ಟ್ವೀಟ್ ಮಾಡಿದ್ದಾರೆ. 

ಯುಕಾನ್‌ನಲ್ಲಿರುವ ಕೆನಡಾದ ಪಡೆಗಳು ಈಗ ವಸ್ತುವಿನ ಅವಶೇಷಗಳನ್ನು ಪಡೆದು ವಿಶ್ಲೇಷಿಸುತ್ತವೆ" ಎಂದು ಟ್ರೂಡೊ ಹೇಳಿದರು.
ಇತ್ತೀಚಿನ ಆಕ್ರಮಣದ ಕುರಿತು ಅಮೆರಿಕ ಅಧ್ಯಕ್ಷರ ಜೊತೆ ಮಾತುಕತೆ ನಡೆಸಿದ್ದೇನೆ. ಕೆನಡಾದ ರಕ್ಷಣಾ ಮಂತ್ರಿ ಅವರು ಯುಎಸ್ ರಕ್ಷಣಾ ಕಾರ್ಯದರ್ಶಿ ಲಾಯ್ಡ್ ಆಸ್ಟಿನ್ ಅವರೊಂದಿಗೆ ಮಾತನಾಡಿದ್ದಾರೆ ಎಂದು ಹೇಳಿದರು.

I ordered the take down of an unidentified object that violated Canadian airspace. @NORADCommand shot down the object over the Yukon. Canadian and U.S. aircraft were scrambled, and a U.S. F-22 successfully fired at the object.

— Justin Trudeau (@JustinTrudeau) February 11, 2023

ನಾವು ಯಾವಾಗಲೂ ನಮ್ಮ ಸಾರ್ವಭೌಮತ್ವವನ್ನು ಒಟ್ಟಾಗಿ ರಕ್ಷಿಸುತ್ತೇವೆ ಎಂದು ಕೆನಡಾದ ರಕ್ಷಣಾ ಸಚಿವೆ ಅನಿತಾ ಆನಂದ್ ಟ್ವೀಟ್ ಮಾಡಿದ್ದಾರೆ.

ಇದನ್ನೂ ಓದಿ: ರಾಡಾರ್ ಅಸಂಗತತೆ ಪತ್ತೆ, ಮೊಂಟಾನಾ ವಾಯುಪ್ರದೇಶದಲ್ಲಿ ಯಾವುದೇ ವಸ್ತು ಪತ್ತೆಯಾಗಿಲ್ಲ: ಅಮೆರಿಕ ಮಿಲಿಟರಿ ಸ್ಪಷ್ಟನೆ

ನ್ಯಾಟೋ ಕಳವಳ ವ್ಯಕ್ತಪಡಿಸಿದ ಕಾರಣ ಐದು ಖಂಡಗಳನ್ನು ವ್ಯಾಪಿಸಿರುವ "ನೌಕಾಪಡೆ" ಯ ಭಾಗವಾಗಿರುವ ಶಂಕಿತ ಚೀನೀ ಪತ್ತೇದಾರಿ ಬಲೂನ್‌ಗಳನ್ನು ಹೊಡೆದುರುಳಿಸಲಾಗಿದೆ ಎಂದು ಯುನೈಟೆಡ್ ಸ್ಟೇಟ್ಸ್ ಬುಧವಾರ ಹೇಳಿದ ನಂತರ ಕೆನಡಾ ನಿನ್ನೆ ಕಾರ್ಯಾಚರಣೆ ನಡೆಸಿದೆ.