ಇಂಗ್ಲೆಂಡ್: ಭಾರತೀಯ ಮೂಲದ ಕಾನೂನು ಪದವೀಧರೆ ಕೃಷ್ಣಾಂಗಿ ಮೆಶ್ರಾಮಿ ಅವರು ಇಂಗ್ಲೆಂಡ್ ಮತ್ತು ವೆಲ್ಸ್ ನ ಅತ್ಯಂತ ಕಿರಿಯ ಸಾಲಿಸಿಟಿರ್ ಆಗಿ ನೇಮಕವಾಗಿದ್ದಾರೆ. ಆಕೆಗೆ ಇನ್ನೂ ಕೇವಲ 21 ವರ್ಷ.
ಮೂಲತ: ಪಶ್ಚಿಮ ಬಂಗಾಳದ ಕೃಷ್ಣಾಂಗಿ ಸದಸ್ಯ ಅರಬ್ ಸಂಯುಕ್ತದಲ್ಲಿ ನೆಲೆಸಿದ್ದು, ತಮ್ಮ 15ನೇ ವಯಸ್ಸಿನಲ್ಲಿ ಮಿಲ್ಟನ್ ನ ಕೀನ್ಸ್ ಮುಕ್ತ ವಿಶ್ವವಿದ್ಯಾಲಯದಲ್ಲಿ ಕಾನೂನು ಪದವಿ ವ್ಯಾಸಂಗ ಆರಂಭಿಸಿ, 18 ನೇ ವಯಸ್ಸಿನಲ್ಲಿ ಮೊದಲ ದರ್ಜೆಯಲ್ಲಿ ಹಾನರ್ಸ್ ಪದವಿ ಪಡೆದಿದ್ದಾರೆ.
ಕೇವಲ 15ನೇ ವಯಸ್ಸಿನಲ್ಲಿ LLB ಅಧ್ಯಯನಕ್ಕೆ ಅವಕಾಶ ಮಾಡಿಕೊಟ್ಟಿದ್ದಕ್ಕಾಗಿ ಸಂಪೂರ್ಣ ಕ್ರೆಡಿಟ್ ನ್ನು ಮುಕ್ತ ವಿಶ್ವವಿದ್ಯಾಲಯಕ್ಕೆ ಮೆಶ್ರಾಮಿ ಸಲ್ಲಿಸಿದ್ದಾರೆ. ಅಧ್ಯಯನದ ಸಮಯದಲ್ಲಿ ನನ್ನ ಕಾನೂನು ವೃತ್ತಿಜೀವನಕ್ಕೆ ಶೈಕ್ಷಣಿಕ ಅಡಿಪಾಯವನ್ನು ಹಾಕಿದ್ದು ಮಾತ್ರವಲ್ಲದೆ ಕಾನೂನಿನ ಬಗ್ಗೆ ಆಳವಾದ ಮತ್ತು ಶಾಶ್ವತವಾದ ಉತ್ಸಾಹವನ್ನು ಕಂಡುಹಿಡಿದಿದ್ದೇನೆ ಎಂದು ಅವರು ಹೇಳಿದ್ದಾರೆ.
ಯಾರಿದು ಕೃಷ್ಣಾಂಗಿ ಮೆಶ್ರಮ್?
ಪಶ್ಚಿಮ ಬಂಗಾಳದಲ್ಲಿ ಜನಿಸಿದ ಕೃಷ್ಣಾಂಗಿ ಮೆಶ್ರಮ್ , ರಾಜ್ಯದ ಇಸ್ಕಾನ್ ಮಾಯಾಪುರ್ ಸಮುದಾಯದಲ್ಲಿ ಬೆಳೆದರು. 15 ನೇ ವಯಸ್ಸಿನಲ್ಲಿ ಮಾಯಾಪುರದ ಅಂತರರಾಷ್ಟ್ರೀಯ ಶಾಲೆಯಲ್ಲಿ ಪ್ರೌಢ ಶಿಕ್ಷಣವನ್ನು ಪೂರ್ಣಗೊಳಿಸಿದರು. ಮುಂದೆ, ಅವರು ಮುಕ್ತ ಯೂನಿವರ್ಸಿಟಿಯಲ್ಲಿ (OU) ಕಾನೂನು ಪದವಿಗೆ ಸೇರಿಕೊಂಡರು. ಮೂರು ವರ್ಷಗಳಲ್ಲಿ ತನ್ನ ಪದವಿಯನ್ನು ಪೂರ್ಣಗೊಳಿಸಿದರು.
18 ನೇ ವಯಸ್ಸಿನಲ್ಲಿ ಕಾನೂನು ಪದವಿಯಲ್ಲಿ ಮೊದಲ ದರ್ಜೆಯಲ್ಲಿ ಹಾನರ್ಸ್ ಪದವಿ ಪಡೆದಿದ್ದಾರೆ. ಮುಕ್ತ ವಿಶ್ವವಿದ್ಯಾಲಯದಲ್ಲಿ ಈ ಸಾಧನೆ ಮಾಡಿದ ಕಾನೂನು ಪದವೀಧರರಲ್ಲಿ ಅತ್ಯಂತ ಕಿರಿಯ ವಯಸ್ಸಿನವರಾಗಿದ್ದಾರೆ.
2022 ರಲ್ಲಿ ಅವರು ಅಂತರರಾಷ್ಟ್ರೀಯ ಕಾನೂನು ಸಂಸ್ಥೆಯಲ್ಲಿ ನೌಕರಿಯೊಂದಕ್ಕೆ ಸೇರಿದರು. ಹಾರ್ವರ್ಡ್ ಆನ್‌ಲೈನ್‌ನಲ್ಲಿ ಜಾಗತಿಕ ಕಾರ್ಯಕ್ರಮಗಳನ್ನು ಭಾಗವಹಿಸಿರುವ ಮೆಶ್ರಮ್, ಸಿಂಗಾಪುರದಲ್ಲಿ ಕೆಲಸ ಮಾಡುವ ಅನುಭವ ಗಳಿಸಿದ್ದಾರೆ.
ಪ್ರಸ್ತುತ UK ಮತ್ತು UAE ಯಲ್ಲಿ ಕಾನೂನು ಅವಕಾಶಗಳನ್ನು ಹುಡುಕಾಡುತ್ತಿದ್ದಾರೆ. ಫಿನ್‌ಟೆಕ್, ಬ್ಲಾಕ್‌ಚೈನ್, ಕೃತಕ ಬುದ್ಧಿಮತ್ತೆ ಮತ್ತು ಖಾಸಗಿ ಕ್ಲೈಂಟ್ ಸೇವೆಗಳಾದ ವಿಲ್ಸ್ ಮತ್ತು ಪ್ರೊಬೇಟ್ ಗಳಲ್ಲಿ ಅವರು ಆಸಕ್ತಿ ಹೊಂದಿದ್ದಾರೆ.
Advertisement
