ಅಂಕಾರಾ: ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಇಂದು ರಾತ್ರಿ ಇರಾನ್ ಮೇಲೆ ಅಮೆರಿಕ "ಕಠಿಣ" ಹೊಡೆತ ನೀಡಲಿದೆ ಮತ್ತು ಇರಾನ್ ಜೊತೆಗಿನ ಯುದ್ಧವನ್ನು ಕೊನೆಗೊಳಿಸುವ ಕದನ ವಿರಾಮ ಮತ್ತು ಮಧ್ಯಂತರ ಒಪ್ಪಂದವು ಈಗ "ಮುಗಿದಿದೆ" ಎಂದು ಹೇಳಿದ್ದಾರೆ.
ಸಮಾಲೋಚಕರು ಮಾತನಾಡುತ್ತಲೇ ಇರಲು ಅವಕಾಶ ನೀಡಬಹುದು ಆದರೆ "ಅವರೊಂದಿಗೆ ವ್ಯವಹರಿಸುವುದು ಕೇವಲ ಸಮಯ ವ್ಯರ್ಥ." ಅಮೆರಿಕ ಇರಾನ್ ದೇಶದ ಮೇಲೆ ಮತ್ತೆ ನೌಕಾ ದಿಗ್ಬಂಧನವನ್ನು ಹೇರುತ್ತದೆ ಎಂದು ಅವರು ಹೇಳಿದ್ದಾರೆ.
ಅಂಕಾರಾದಲ್ಲಿ 2026 ರ ನ್ಯಾಟೋ ಶೃಂಗಸಭೆಯ ಪಾರ್ಶ್ವದಲ್ಲಿ ಉಕ್ರೇನಿಯನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ಅವರೊಂದಿಗಿನ ಭೇಟಿಗೆ ಮುಂಚಿತವಾಗಿ ಟ್ರಂಪ್ ಈ ಹೇಳಿಕೆಗಳನ್ನು ನೀಡಿದರು. ಅಲ್ಲಿ ಅವರು ಇರಾನ್ ನಾಯಕತ್ವದ ಬಗ್ಗೆ ಹತಾಶೆಯನ್ನು ವ್ಯಕ್ತಪಡಿಸಿದರು ಮತ್ತು ದೇಶದ ಕ್ರಮಗಳನ್ನು ಆಕ್ರಮಣಕಾರಿ ಎಂದು ಹೇಳಿದ್ದಾರೆ.
"ನಾವು ನಿನ್ನೆ ರಾತ್ರಿ ಅವರನ್ನು ತುಂಬಾ ಬಲವಾಗಿ ಹೊಡೆದಿದ್ದೇವೆ, ಮತ್ತು ಇಂದು ರಾತ್ರಿಯೂ ಸಹ ಅವರನ್ನು ಬಲವಾಗಿ ಹೊಡೆಯಬಹುದು" ಎಂದು ಟ್ರಂಪ್ ಹೇಳಿದರು.
"ಅವರು ಮಧ್ಯಪ್ರಾಚ್ಯವನ್ನು ಬೆದರಿಸುವವರಾಗಿದ್ದು ಅವರು ಇನ್ನು ಮುಂದೆ ಬೆದರಿಸುವವರಾಗಿರುವುದಿಲ್ಲ ಎಂದು ಟ್ರಂಪ್ ಹೇಳಿದ್ದಾರೆ. ಇರಾನ್ ನಾಯಕರು ಮಾತುಕತೆಗಳ ಸಮಯದಲ್ಲಿ ತಮ್ಮ ನಿಲುವುಗಳನ್ನು ಪದೇ ಪದೇ ಬದಲಿಸುತ್ತಿದ್ದಾರೆ. ಟೆಹ್ರಾನ್ ತನ್ನ ನಿಲುವನ್ನು ಸಾರ್ವಜನಿಕವಾಗಿ ಬದಲಾಯಿಸುವ ಮೊದಲು ಒಪ್ಪಂದಕ್ಕೆ ಬರಲು ಇಚ್ಛಿಸಿತ್ತು ಎಂದು ಟ್ರಂಪ್ ಹೇಳಿದ್ದಾರೆ.
