ಮಧ್ಯಂತರ ಚುನಾವಣೆ ಸೋಲಿನ ಬೆನ್ನಲ್ಲೇ ಉಲ್ಟಾ ಹೊಡೆದ ಎಲಾನ್ ಮಸ್ಕ್: ನಾನು MAGA ಅಲ್ಲ, ರಿಪಬ್ಲಿಕನ್ ಪರ ಹಣ ಸುರಿದಿದ್ದು ಮೂರ್ಖತನ ಎಂದ ವಿಶ್ವದ ಸಿರಿವಂತ

ಅಮೆರಿಕದ ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಹೀನಾಯ ಸೋಲಿನ ಬೆನ್ನಲ್ಲೇ, ಉದ್ಯಮಿ ಎಲಾನ್ ಮಸ್ಕ್ ತಾವು "MAGA ಬೆಂಬಲಿಗನಲ್ಲ" ಎಂದು ಹೇಳಿಕೊಂಡಿದ್ದು, ಚುನಾವಣೆಯಲ್ಲಿ ನೂರಾರು ಮಿಲಿಯನ್ ಡಾಲರ್ ಹಣ ಸುರಿದಿದ್ದು ತಮ್ಮ ಮೂರ್ಖತನ ಎಂದು ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ. ಆ ಕುರಿತ ವರದಿ ಇಲ್ಲಿದೆ:
Elon Musk
ಉದ್ಯಮಿ ಎಲಾನ್ ಮಸ್ಕ್Online Desk
Updated on: 

ವಾಷಿಂಗ್ಟನ್ ಡಿ.ಸಿ. (ಅಮೆರಿಕ): ಅಮೆರಿಕದ 2026ರ ಮಧ್ಯಂತರ ಚುನಾವಣೆಯಲ್ಲಿ ರಿಪಬ್ಲಿಕನ್ ಪಕ್ಷದ ಅಭ್ಯರ್ಥಿಗಳ ಮೇಲೆ ಸುಮಾರು 500 ಮಿಲಿಯನ್ ಡಾಲರ್ (ಅಂದಾಜು ₹4,200 - ₹4,700 ಕೋಟಿ) ಹಣ ಹೂಡಿದ್ದ ಎಲಾನ್ ಮಸ್ಕ್ ಅವರ ರಾಜಕೀಯ ಲೆಕ್ಕಾಚಾರ ಸಂಪೂರ್ಣ ತಲೆಕೆಳಗಾಗಿದ್ದು, ಮಸ್ಕ್ ಬೆಂಬಲಿಸಿದ ಬಹುತೇಕ ಅಭ್ಯರ್ಥಿಗಳು ಹೀನಾಯವಾಗಿ ಸೋಲುಂಡಿದ್ದಾರೆ. ಈ ಹೀನಾಯ ಸೋಲಿನ ಬೆನ್ನಲ್ಲೇ, ಉದ್ಯಮಿ ಎಲಾನ್ ಮಸ್ಕ್ ತಾವು "MAGA (Make America Great Again) ಬೆಂಬಲಿಗನಲ್ಲ" ಎಂದು ಹೇಳಿಕೊಂಡಿದ್ದು, ಚುನಾವಣೆಯಲ್ಲಿ ನೂರಾರು ಮಿಲಿಯನ್ ಡಾಲರ್ ಹಣ ಸುರಿದಿದ್ದು ತಮ್ಮ ಮೂರ್ಖತನ ಎಂದು ತೀವ್ರ ಬೇಸರ ವ್ಯಕ್ತಪಡಿಸಿದ್ದಾರೆ. ಆ ಕುರಿತ ವರದಿ ಇಲ್ಲಿದೆ:

ಮೂರ್ಖತನದ ನಿರ್ಧಾರ ಎಂದು ಪಶ್ಚಾತ್ತಾಪ

ರಿಪಬ್ಲಿಕನ್ ಅಭ್ಯರ್ಥಿಗಳ ಪರವಾಗಿ ಸುಮಾರು 445 ಮಿಲಿಯನ್ ಡಾಲರ್‌ಗೂ ಅಧಿಕ ಹಣ ಖರ್ಚು ಮಾಡಿದರೂ ಪಕ್ಷಕ್ಕೆ ಸೋಲಾಗಿರುವ ಬಗ್ಗೆ ಪ್ರತಿಕ್ರಿಯಿಸಿದ ಮಸ್ಕ್, "ಇಷ್ಟೊಂದು ದೊಡ್ಡ ಮೊತ್ತದ ಹಣ ಸುರಿದು ಅದಕ್ಕೆ ತಕ್ಕ ಫಲಿತಾಂಶ ಸಿಗದೇ ಇರುವುದಕ್ಕೆ ನನಗೆ ನನ್ನ ಮೇಲೇ ಮೂರ್ಖತನ ಎನಿಸುತ್ತಿದೆ. ಸಮಯವನ್ನು ಹಿಂದಕ್ಕೆ ತಿರುಗಿಸಲು ಸಾಧ್ಯವಿದ್ದರೆ ನಾನು ಖಂಡಿತವಾಗಿಯೂ ಕಡಿಮೆ ಹಣ ಖರ್ಚು ಮಾಡುತ್ತಿದ್ದೆ" ಎಂದಿದ್ದಾರೆ. ಜೊತೆಗೆ, ಈ ಹಿಂದೆ ಡೊನಾಲ್ಡ್ ಟ್ರಂಪ್ ರ‍್ಯಾಲಿಗಳಲ್ಲಿ ಕಾಣಿಸಿಕೊಂಡು ತಮ್ಮನ್ನು ತಾವು "ಡಾರ್ಕ್ ಗೋಥಿಕ್ MAGA" ಎಂದು ಕರೆದುಕೊಂಡಿದ್ದ ಮಸ್ಕ್, ಈಗ ತಮ್ಮ ನಿಲುವನ್ನು ಬದಲಿಸಿಕೊಂಡಿದ್ದಾರೆ. "ನಾನು MAGA ಅಲ್ಲ. ರಿಪಬ್ಲಿಕನ್ ಪಕ್ಷದ ಎಲ್ಲಾ ನೀತಿಗಳನ್ನು ಕುರುಡಾಗಿ ಒಪ್ಪಿಕೊಳ್ಳುವುದೇ MAGA ಎಂದಾದರೆ, ಅಂತಹ ನಿಲುವು ನನ್ನಲ್ಲಿ ಖಂಡಿತ ಇಲ್ಲ. ನಾನು ಸೈದ್ಧಾಂತಿಕವಾಗಿ ಮಧ್ಯಮ ನಿಲುವಿನವನು ಮತ್ತು ಎರಡೂ ಪಕ್ಷಗಳಲ್ಲಿ ಒಳ್ಳೆಯ ಹಾಗೂ ಕೆಟ್ಟ ಅಂಶಗಳಿವೆ" ಎಂದು ಸ್ಪಷ್ಟಪಡಿಸಿದ್ದಾರೆ.

Elon Musk
ಮನಿಲಾದಲ್ಲಿ ಕ್ವಾಡ್ ಶೃಂಗಸಭೆ 2026: ಪ್ರಧಾನಿ ಮೋದಿ ಗ್ರೇಟ್ ಲೀಡರ್, 'ವೆರಿ ಟಫ್ ಮ್ಯಾನ್' ಎಂದ ಡೊನಾಲ್ಡ್ ಟ್ರಂಪ್! Video

ಚುನಾವಣೆಯಲ್ಲಿ ಹಣವೇ ಮುಖ್ಯವಲ್ಲ

ಸ್ಪೇಸ್‌ಎಕ್ಸ್ ಮತ್ತು ಟೆಸ್ಲಾ ಕೆಲಸಗಳ ನಡುವೆ ಚುನಾವಣೆಯತ್ತ ವೈಯಕ್ತಿಕವಾಗಿ ಹೆಚ್ಚಿನ ಗಮನ ಹರಿಸಲು ಸಾಧ್ಯವಾಗಲಿಲ್ಲ ಎಂದಿರುವ ಮಸ್ಕ್, "ಅಮೆರಿಕದ ಚುನಾವಣೆಗಳನ್ನು ಕೇವಲ ಹಣದಿಂದ ಗೆಲ್ಲಲು ಸಾಧ್ಯವಿಲ್ಲ ಎಂಬುದು ಇದರಿಂದ ಸಾಬೀತಾಗಿದೆ" ಎಂದು ಅಭಿಪ್ರಾಯಪಟ್ಟಿದ್ದಾರೆ. ಏತನ್ಮಧ್ಯೆ, ಮಸ್ಕ್ ತಮ್ಮ ಕಂಪನಿಗಳ ಕೇಂದ್ರ ಕಚೇರಿ ಇರುವ ಟೆಕ್ಸಾಸ್ ರಾಜ್ಯವೊಂದರಲ್ಲೇ ರಿಪಬ್ಲಿಕನ್ ಅಭ್ಯರ್ಥಿಗಳಾದ ಕೆನ್ ಪ್ಯಾಕ್ಸ್ಟನ್ (ಸೆನೆಟ್) ಮತ್ತು ಗವರ್ನರ್ ಗ್ರೆಗ್ ಅಬಾಟ್ ಅವರ ಪರವಾಗಿ 150 ಮಿಲಿಯನ್ ಡಾಲರ್‌ಗೂ ಹೆಚ್ಚು ಹಣ ಹೂಡಿದ್ದರು. ಆದರೆ, ಡೆಮಾಕ್ರಟಿಕ್ ಪಕ್ಷವು ಅಲ್ಲಿ ಗೆಲುವು ಸಾಧಿಸಿರುವುದಲ್ಲದೆ, ಕಾಂಗ್ರೆಸ್‌ನ ಎರಡೂ ಸದನಗಳಲ್ಲಿ ಬಹುಮತ ಪಡೆದಿದೆ. ಇದೀಗ ಟೆಕ್ಸಾಸ್‌ನ ನೂತನ ಡೆಮಾಕ್ರಟಿಕ್ ಗವರ್ನರ್ ಗಿನಾ ಹಿನೊಜೊಸಾ ಅವರನ್ನು ಮಸ್ಕ್ ಹೊಗಳಿದ್ದು, ಅವರ ನೇತೃತ್ವದಲ್ಲಿ ರಾಜ್ಯದಲ್ಲಿ ಎಲ್ಲವೂ ಚೆನ್ನಾಗಿರಲಿದೆ ಎಂದು ಹೇಳಿದ್ದಾರೆ.

X