ಹೊಸಪೇಟೆ: ತಾಲೂಕಿನ ಕಮಲಾಪುರ ಬಳಿ ಇರುವ ದರೋಜಿ ಕರಡಿ ಧಾಮದಲ್ಲಿ ಅಪೂರ್ವ ಹಾವೊಂದನ್ನು ವನ್ಯಜೀವಿ ಛಾಯಾಗ್ರಾಹಕಯ ಪಂಪಯ್ಯಸ್ವಾಮಿ ಪತ್ತೆ ಹಚ್ಚಿದ್ದಾರೆ. ಇದು ಅಪರೂಪದ ಬ್ರೈಡಲ್ ಸ್ನೇಕ್. ಹಂಪಿ ಪರಿಸರದಲ್ಲಿ ಇಂತಹ ಹಾವನ್ನು ಇದೇ ಮೊದಲ ಸಲ ನೋಡುತ್ತಿದ್ದೇವೆ. ಸುಮಾರು ಒಂದು ಅಡಿಗೂ ಹೆಚ್ಚು ಉದ್ದ ಇರುವ ಈ ಹಾವು ಮರಿ ಇರಬೇಕು. ಆದರೆ ಬಳ್ಳಾರಿಯ ಖ್ಯಾತ ಉರಗ ತಜ್ಞ ಆದಿತ್ಯ ವಟ್ಟಂ ಅವರು ಈ ಹಾವಿನ ಚಿತ್ರವನ್ನು ಗಮನಿಸಿ, ಇದು `ಬಾರಿಡ್ ವೂಲ್ಫ್ ಎಂದು ಅಭಿಪ್ರಾಯಪಟ್ಟಿದ್ದಾರೆ. ಇದೇ ಬಗೆಯ ಹಾವನ್ನು ತಾವು ಬಳ್ಳಾರಿ ಪರಿಸರದಲ್ಲಿ ಎರಡು ಸಲ ಸಂರಕ್ಷಿಸಿದ್ದಾಗಿ ಹೇಳಿದ್ದಾರೆ. ಬಾರಿಡ್ ವೂಲ್ಫ್ ಹಾವು ಹಂಪಿಯ ಪರಿಸರದಲ್ಲಿ ವಿರಳ ಎಂದು ಉರಗ ತಜ್ಞರು ಹೇಳುತ್ತಾರೆ.