ನವದೆಹಲಿ: ಇದು ಬಜೆಟ್ ನ ಟ್ರೇಲರ್ ಮಾತ್ರ. ಚುನಾವಣೆ ಬಳಿಕ ಭಾರತದ ಅಭಿವೃದ್ದಿ ಹಾದಿಗೆ ಇದು ಸೂಚನೆಯಷ್ಟೆ ಎಂದು ಪ್ರಧಾನಿ ನರೇಂದ್ರ ಮೋದಿ ಹೇಳಿದ್ದಾರೆ. ಕೇಂದ್ರ ಸಚಿವ ಪಿಯೂಶ್ ಗೋಯಲ್ ಶುಕ್ರವಾರ ಮಂಡಿಸಿರುವ ಮದ್ಯಂತರ ಬಜೆಟ್ ಕುರಿತು ಪ್ರಧಾನಿ ಹರ್ಷ ವ್ಯಕ್ತಪಡಿಸಿದ್ದಾರೆ.

"ಮದ್ಯಮ ವರ್ಗದಿಂದ ಕಾರ್ಮಿಕ ವರ್ಗದವರೆಗೆ, ರೈತರ ಬೆಳವಣಿಗೆಯಿಂದ ಉದ್ಯಮಿಗಳ ಆಭಿವೃದ್ದಿವರೆಗೆ, ಉತ್ಪಾದನಾ ಕ್ಷೇತ್ರದಿಂದ ಎಂಎಸ್ಎಂಇ ವಲಯದವರೆಗೆ,ಆರ್ಥಿಕತೆಯ ಬೆಳವಣಿಗೆಯಿಂದ ನವ ಭಾರತ ರಚನೆವರೆಗೆ ಪ್ರತಿಯೊಬ್ಬರನ್ನೂ ಈ  ಮಧ್ಯಂತರ ಬಜೆಟ್ ನಲ್ಲಿ ಸೇರಿಸಿಕೊಳ್ಲಲಾಗಿದೆ.

"ಇದು ಮದ್ಯಮ, ಮೇಲ್ಮಧ್ಯಮ ರ್ಗದ ಉದಾರತೆ ಮತ್ತು ಪ್ರಾಮಾಣಿಕತೆಗೆ ಸಾಕ್ಷಿ. ಅವರು ಬಡವರಿಗಾಗಿ ಸರ್ಕಾರ ರೂಪಿಸುವ ಯೋಜನೆಗಳಿಗೆ ತಮ್ಮ ತೆರಿಗೆ ಹಣ ಒದಗಿಸಿ ಬಡವರ ಕಲ್ಯಾಣಕ್ಕೆ ಮುಂದಾಗಿದ್ದಾರೆ.

"ಆರ್ಥಿಕ ಚಿಂತಕರು ಸೇರಿ ಹಲವರು ನಮಗೆ 5 ಲಕ್ಷ ರು. ವರೆಗೆ ಆದಾಯ ತೆರಿಗೆ ವಿನಾಯತಿ ನೀಡಬೇಕೆಂದು ಕೇಳಿದ್ದರು. ಇದನ್ನು ನಮ್ಮ ಸರ್ಕಾರ ಈ ಬಜೆಟ್ ಮೂಲಕ ಪೂರೈಸಿದೆ." ಮೋದಿ ಹೇಳಿದ್ದಾರೆ.

ಲೋಕಸಭಾ ಸ್ಪೀಕರ್ ಸುಮಿತ್ರಾ ಮಹಾಜನ್ ಇಂದಿನ ಬಜೆಟ್ ಬಗ್ಗೆ ಮಾತನಾಡಿ "ಈ ಬಜೆಟ್ ಪ್ರತಿಯೊಬ್ಬರಿಗೂ ಒಳ್ಳೆಯದನ್ನು ಮಾಡಲಿದೆ.ಮುಂದೆ ಸಹ ಇದೇ ಬಗೆಯ ಒಳ್ಳೆಯ ಕೆಲಸಗಳು ನಡೆಯಲಿದೆ" ಎಂದರು.