ನವದೆಹಲಿ: "ನಿಮ್ಮ ಅಸಮರ್ಥ ಆಡಳಿತ ಹಾಗೂ ಅಹಂಕಾರ 5 ವರ್ಷಗಳಲ್ಲಿ ನಮ್ಮ ರೈತರ ಜೀವನವನ್ನು ನಾಶಮಾಡಿದೆ. ದಿನವೊಂದಕ್ಕೆ 17 ರು. ನಿಡುವ ಮೂಲಕ ಈಗ ನೀವು ದೇಶದ ಜನರನ್ನು ಅವಮಾನಿಸಿದ್ದೀರಿ" ಕಾಂಗ್ರೆಸ್ ಅಧ್ಯಕ್ಷ ರಾಹುಲ್ ಗಾಂಧಿ ಹೇಳಿದ್ದಾರೆ.

ಕೇಂದ್ರ ಸಚಿವ ಪಿಯೂಶ್ ಗೋಯಲ್ ಇಂದು ಮಂಡಿಸಿದ ಕೇಂದ್ರ ಮದ್ಯಂತರ ಬಜೆಟ್ ಕುರಿತು ರಾಹುಲ್ ಟ್ವೀಟ್ ಮೂಲಕ ವ್ಯಂಗ್ಯ ಮಾಡಿದ್ದಾರೆ.

ಬಿಜೆಪಿ ನೇತೃತ್ವದ ಎನ್ ಡಿಎ ಸರ್ಕಾರ  ಮಧ್ಯಮ ವರ್ಗದವರಿಗೆ ಆದಾಯ ತೆರಿಗೆ ವಿನಾಯತಿ ನೀಡಿದ್ದು  5 ಲಕ್ಷ ರೂ. ಆದಾಯದ ವರೆಗೆ ಸಂಪೂರ್ಣ ತೆರಿಗೆ ವಿನಾಯಿತಿ ಘೋಷಿಸಲಾಗಿದೆ.ಬಡ ರೈತರಿಗೆ 6,000 ವಾರ್ಷಿಕ ನಗದು ವರ್ಗಾವಣೆ ಮಾಡಲಾಗುವುದು ಎಂದೂ ಬಜೆಟ್ ನಲ್ಲಿ ಘೋಷಿಸಲಾಗಿತ್ತು. ಇದು ವಾರ್ಷಿಕ 75,000 ಕೋಟಿ ರು. ವೆಚ್ಚ ತಗುಲಲಿದೆ.

ಹಣಕಾಸು ಸಚಿವ ಪಿಯೂಷ್ ಗೋಯಲ್ ಮಧ್ಯಮ ವರ್ಗದವರು ಮತ್ತು ರೈತರಿಗೆ ಪ್ರೋತ್ಸಾಹ ನೀಡುವ ಯೋಜನೆಗಳನ್ನುಇಂದಿನ ಬಜೆಟ್ ನಲ್ಲಿ ಪ್ರಸ್ತಾಪಿಸಿದ್ದು ಇದು ಮುಂಬರುವ ಲೋಕಸಭೆ ಚುನಾವಣೆಗಾಗಿ ಜನರನ್ನು ಸೆಳೆಯಲು ಬಿಜೆಪಿ ರಚಿಸಿರುವ ಪ್ರಣಾಳಿಕೆ ಎಂದು ಪ್ರತಿಪಕ್ಷಗಳು ಟೀಕಿಸಿದೆ.