ನವದೆಹಲಿ: ಕಾರು, ಬೈಕ್ ಖರೀದಿಸ್ತೀರಾ? ಹಾಗಾದರೆ ಇಂದು (ಬುಧವಾರ) ಖರೀದಿ ಮಾಡಿದರೆ ಒಂದಷ್ಟು ಕಡಿಮೆಯಾಗುತ್ತದೆ. ನಾಳೆ (ಜ.1)ಯಿಂದ  ಕಾರುಗಳು, ದ್ವಿಚಕ್ರ ವಾಹನಗಳ ದರ ಹೆಚ್ಚಲಿದೆ. ಕೇಂದ್ರ ಸರ್ಕಾರ  ವಾಹನೋದ್ಯಮ ಕ್ಷೇತ್ರಕ್ಕೆ ನೀಡಿದ್ದ ಅಬಕಾರಿ ಸುಂಕ (ಎಕ್ಸೈಸ್ ಡ್ಯೂಟಿ) ವಿನಾಯಿತಿ ಮುಂದುವರಿಸಲು ನಿರಾಕರಿಸಿದೆ. ಟಾಟಾ ನ್ಯಾನೋ, ಮಾರುತಿ ಆಲ್ಟೋ 800 ಮತ್ತು ಹುಂಡೈ ಇಯಾನ್‌ನಂಥ ಕಾರುಗಳಿಗೆ ರು. 7,900 ರಿಂದ ರು. 16,000 ವರೆಗೆ, ಮಾರುತಿ ಸ್ವಿಫ್ಟ್ ಮತ್ತು ಹ್ಯುಂಡೈ ಎಲೈಟ್ ಐ 20 (ಹ್ಯಾಚ್‌ಬ್ಯಾಕ್ ಕಾರುಗಳು) ನಂಥ ಕಾರುಗಳಿಗೆ ರು. 17, 700 ರಿಂದ ರು. 30,000 ವರೆಗೆ ದರ ಹೆಚ್ಚಾಗಲಿದೆ.