ಮುಂಬೈ: ಸಂಗ್ರಹಯೋಗ್ಯವಲ್ಲದ, ನಿಷ್ಪ್ರಯೋಜಕ ಸಾಲಭಾರದಿಂದ ಸಾರ್ವಜನಿಕ ಉದ್ದಿಮೆ ಬ್ಯಾಂಕುಗಳು ಈ ತ್ರೈ ಮಾಸಿಕದಲ್ಲಿ ಕಳಪೆ ಫಲಿತಾಂಶ ನೀಡಿದ್ದು, ಅನುತ್ಪಾದಕ ಆಸ್ತಿ ಸಮಸ್ಯೆ ಹೆಚ್ಚಾಗಿದ್ದವು. ಇದಕ್ಕೆ ದೊಡ್ಡ ದೊಡ್ಡ ಸಂಸ್ಥೆಗಳು ಕಾರಣ ಎಂದು ಕೇಂದ್ರ ಹಣಕಾಸು ಸಚಿವ ಅರುಣ್ ಜೇಟ್ಲಿ ಹೇಳಿದ್ದಾರೆ.

ನಮ್ಮ ದೇಶದ ಈಶಾನ್ಯ ರಾಜ್ಯಗಳ ಅಭಿವೃದ್ಧಿಯಾಗಬೇಕಾಗಿದೆ ಎಂದು ಹೇಳಿದ ಅವರು, ಈ ಭಾಗಗಳಲ್ಲಿ ಹೆಚ್ಚಿನ ಆರ್ಥಿಕ ಚಟುವಟಿಕೆಗಳ ಅಭಿವೃದ್ಧಿಯಾಗಬೇಕಾಗಿದೆ ಎಂದು ಹೇಳಿದರು.
ಅವರು ಇಂದು ಕೋಲ್ಕತ್ತಾದಲ್ಲಿ ಬಂದನ್ ಬ್ಯಾಂಕನ ಶಾಖೆಯನ್ನು ಉದ್ಘಾಟಿಸಿ ಮಾತನಾಡಿದರು.

ಬಂದನ್ ಬ್ಯಾಂಕು ಸೂಕ್ಷ್ಮ, ಸಣ್ಣ ಮತ್ತು ಮಧ್ಯಮ ಉದ್ದಿಮೆಗಳು ಸಚಿವಾಲಯದ ವ್ಯವಹಾರಗಳನ್ನು ಕೇಂದ್ರೀಕರಿಸಲಿದೆ. ಈ ಮೂಲಕ ಬ್ಯಾಂಕ್ ಆರಂಭಿಸಿರುವ 500 ಶಾಖೆಗಳು ಮತ್ತು 250 ಎಟಿಎಂ ಕೇಂದ್ರಗಳು ಕಾರ್ಯಾರಂಭ ಮಾಡಲಿವೆ.

ಈ ಹಿಂದೆ, ಸೂಕ್ಮ್ಸ ಹಣಕಾಸು ಸಂಸ್ಥೆಯಾಗಿದ್ದ ಬಂದನ್ ಬ್ಯಾಂಕ್ ಈಗ ಸಶಜ್ಜಿತ, ಸಂಪೂರ್ಣ ವ್ಯವಹಾರದ ಬ್ಯಾಂಕು ಆಗಲಿದೆ.