ಬೀಜಿಂಗ್: ಆನ್‍ಲೈನ್ ವಹಿವಾಟು ಕಂಪನಿ ಆಲಿಬಾಬ ಬುಧವಾರ ಚೀನಾದಲ್ಲಿ ಆಚರಿಸಿದ್ದ ಏಕದಿನ ಆನ್‍ಲೈನ್ ವಹಿವಾಟು ಹಬ್ಬದ ದಿನದಂದು ಕೆಲವೇ ನಿಮಿಷಗಳಲ್ಲಿ 157 ಕೋಟಿ ಡಾಲರ್ ವಹಿವಾಟು ಕಂಡಿದೆ.
ಇದು ಅಮೆರಿಕದಲ್ಲಿ ನಡೆಯುವ ಸೈಬರ್ ಮಂಡೆ ವಹಿವಾಟು ದಾಖಲೆಯನ್ನು ಮುರಿದಿದೆ. ಕಂಪನಿಯ ಜೆಜಿಯಾಂಗ್ ಪ್ರಧಾನ ಕಚೇರಿಯ ಮಾಹಿತಿ ಪ್ರಕಾರ ಬೆಳಗ್ಗೆ 8.30ರ ವೇಳೆಗೆ 4,420 ಕೋಟಿ ಯುಆನ್ (690 ಕೋಟಿ ಡಾಲರ್) ವಹಿವಾಟು ಕಂಡಿದೆ.
ಕಳೆದ ವರ್ಷ ಇಂತಹ ದಿನ ಇಷ್ಟು ವಹಿವಾಟು ಕಾಣಲು 38 ನಿಮಿಷಗಳು ಹಿಡಿದಿತ್ತು. ಬುಧವಾರ ಕೇವಲ 12.28 ನಿಮಿಷದಲ್ಲಿ ಈ ದಾಖಲೆ ಮೀರಿದೆ.