ನವದೆಹಲಿ: ಫ್ಲಿಪ್‍ಕಾರ್ಟ್, ಅಮೇಜಾನ್‍ನಂತಹ ಇ- ಕಾಮರ್ಸ್ ಕಂಪನಿಗಳ ವಿರುದ್ಧ ಮಧ್ಯಂತರ ಆದೇಶ ನೀಡಲು ನಿರಾಕರಿಸಿರುವ ದೆಹಲಿ ಹೈಕೋರ್ಟ್, ಈ ಕಂಪನಿಗಳು ಎಫ್ ಡಿಐ ನಿಯಮಗಳನ್ನು ಉಲ್ಲಂಘಿಸಿರುವ ಆರೋಪಗಳ ಕುರಿತು ಸರ್ಕಾರ ನಡೆಸುತ್ತಿರುವ ತನಿಖಾ ವರದಿ, ಕೈಗೊಂಡಿರುವ ಕ್ರಮಗಳ ವರದಿಗೆ ಕಾಯುತ್ತಿರುವುದಾಗಿ ಹೇಳಿದೆ.
ಪ್ರಕರಣ ವಿಚಾರಣೆ ನಡೆಸುತ್ತಿರುವ ನ್ಯಾ.ರಾಜೀವ್ ಸಹಾಯ್, ಕೈಗೊಂಡಿರುವ ಕ್ರಮಗಳ ವರದಿ ಸಲ್ಲಿಸಲು ಕೇಂದ್ರ, ದೆಹಲಿ ಸರ್ಕಾರ, ಆರ್ ಬಿಐ, ಜಾರಿ ನಿರ್ದೇಶನಾಲಯಕ್ಕೆ ಸೂಚಿಸಿದ್ದಾರೆ.
ಅಗತ್ಯವಾದರೆ ನಂತರ ಆದೇಶಿಸುವುದಾಗಿ ಹೇಳಿದ್ದಾರೆ. ಇಕಾಮರ್ಸ್ ಕಂಪನಿಗಳು ಎಫ್ಡಿಐ ನಿಯಮ ಉಲ್ಲಂಘಿಸಿವೆ ಎಂದು ಫುಟ್‍ವೇರ್ ತಯಾರಕರ ಒಕ್ಕೂಟ , ರಿಟೇಲ್ ವರ್ತಕರು ಪ್ರಕರಣ ದಾಖಲಿಸಿದ್ದಾರೆ.