ಇದುವರೆಗೂ 917 ಕೆಜಿ ಮೌಲ್ಯದ ಚಿನ್ನಕ್ಕೆ 63,000 ಅರ್ಜಿಗಳು ಸಲ್ಲಿಕೆಯಾಗಿವೆ. ಇದರ ಒಟ್ಟು ಮೌಲ್ಯ ರು.246 ಕೋಟಿಗಳಾಗಿದೆ. ಹೂಡಿಕೆದಾರರಿಂದ ಭಾರಿ ಪ್ರತಿಕ್ರಿಯೆ ಸಿಕ್ಕಿದೆ ಎಂದು ಆರ್ಥಿಕ ವ್ಯವಹಾರಗಳ ಕಾರ್ಯದರ್ಶಿ ಶಕ್ತಿಕಂಠದಾಸ್ ಟ್ವೀಟ್ ಮಾಡಿದ್ದಾರೆ. ಭೌತಿಕವಾಗಿ ಚಿನ್ನ ಖರೀದಿ ನಿಯಂತ್ರಿಸಲು ಕೇಂದ್ರ ಸರ್ಕಾರ ಈ ಯೋಜನೆಗಳನ್ನು ಪರಿಚಯಿಸಿತು. 

ನ.5 ರಿಂದ 20ರವರೆಗೂ ಗೋಲ್ಡ್ ಬಾಂಡ್‍ಗಳಿಗೆ ಅರ್ಜಿಗಳನ್ನು ಸ್ವೀಕರಿಸಲಾಗಿದ್ದು ನವೆಂಬರ್ 30ಕ್ಕೆ ಬಾಂಡ್ ಗಳನ್ನು ವಿತರಿಸಲಾಗುವುದು. ಗೋಲ್ಡ್ ಬಾಂಡ್ ಸ್ಕೀಂನಲ್ಲಿ ಹೂಡಿಕೆದಾರರಿಗೆ ಶೇ.2.75ರಷ್ಟು ಬಡ್ಡಿ ನೀಡಲಾಗುವುದು. ಬಾಂಡ್ ಮೌಲ್ಯ ಕನಿಷ್ಠ 2 ಗ್ರಾಂ ಇದ್ದು, ವ್ಯಕ್ತಿಯೊಬ್ಬರು 500 ಗ್ರಾಂವರೆಗೂ ಖರೀದಿಸಬಹುದು. 

ಈ ಕಂತಿನಲ್ಲಿ ಒಂದು ಗ್ರಾಂ ದರ ರು.2,684ರಂತೆ ನೀಡಲಾಗಿದೆ. ಚಿನ್ನದ ಬಾಂಡ್ ಸ್ಕೀಂ ಜೊತೆಗೆ ಚಿನ್ನದ ನಗದೀಕರಣ ಯೋಜನೆ ಜಾರಿಗೆ ತರಲಾಯಿತು. ಆದರೆ ಜನರ ಸ್ಪಂದನೆ ಸಿಗದೆ ಇದುವರೆಗೂ 400 ಗ್ರಾಂಗಳಿಗೆ ಮಾತ್ರ ಅರ್ಜಿ ಸಲ್ಲಿಕೆಯಾಗಿದೆ.