ನವದೆಹಲಿ: ಕಿಂಗ್‌ಫಿಷರ್ ಕಂಪನಿ ಸುಮಾರು 20 ಕೋಟಿ ಡಾಲರ್‍ಗಳನ್ನು ವಿದೇಶಗಳಿಗೆ ವರ್ಗಾಯಿಸಿದೆ ಎಂಬ ಆರೋಪಗಳತ್ತ ತನಿಖೆ ನಡೆಸಲು ಸಿಬಿಐ ನೋಟ ಹರಿಸಿರುವ ನಡುವೆಯೇ ಸಾಲ ಹಿಂದಿರುಗಿಸುವುದಕ್ಕೆ ಸಂಬಂಧಿಸಿದಂತೆ ಇನ್ನಷ್ಟು ಎಫ್ ಐಆರ್‍ಗಳನ್ನು ಸಿಬಿಐ ದಾಖಲಿಸುವ ಸಾಧ್ಯತೆಗಳಿವೆ. 

ಐಡಿಬಿಐ ಬ್ಯಾಂಕ್‍ಗೆ ರು.900 ಕೋಟಿ ಪಾವತಿಗೆ ಸಂಬಂಧಿಸಿದಂತೆ ಈಗಾಗಲೆ ಎಫ್ಐಆರ್ ದಾಖಲಿಸಲಾಗಿದೆ. 

ಕಂಪನಿ 10 ರಾಷ್ಟ್ರೀಕೃತ ಬ್ಯಾಂಕ್ ಗಳಿಗೆ ರು.3,100 ಕೋಟಿ ಸಾಲ ಪಾವತಿಸಬೇಕಾಗಿದ್ದು, ಎಲ್ಲ ಪ್ರಕರಣಗಳನ್ನು ತನಿಖೆ ವ್ಯಾಪ್ತಿಗೆ ತರಲು ಇನ್ನಷ್ಟು ಎಫ್ ಐಆರ್ ಗಳನ್ನು ದಾಖಲಿಸಲಾಗುವುದು ಎಂದು ಸಿಬಿಐ ಮೂಲಗಳು ತಿಳಿಸಿವೆ. ಈ ಮಧ್ಯಯೇ ಹಣವನ್ನು ವಿದೇಶಗಳಿಗೆ ವರ್ಗಾಯಿಸಿರುವ ಕುರಿತೂ ತನಿಖೆ ನಡೆಸಲಾಗುವುದು.