ಚೆನ್ನೈ: ಐಟಿ ಕ್ಷೇತ್ರದಲ್ಲಿ ರೋಬೋಟ್ ಗಳು ಮಾಡಲು ಸಾಧ್ಯವಾಗದ ಕೆಲಸಗಳಿಗೆ ಮಾತ್ರ ಇನ್ನು ಮುಂದಿನ ದಿನಗಳಲ್ಲಿ ನೇಮಕಾತಿ ನಡೆಯಲಿದ್ದು, ಅಟೋಮೇಷನ್ ನ ಪರಿಣಾಮ ಉದ್ಯೋಗಾವಕಾಶಗಳು ಕಡಿಮೆಯಾಗುತ್ತಿರುವುದರಿಂದ  ಭವಿಷ್ಯ ಕುರಿತು ಐಟಿ ಆಕಾಂಕ್ಷಿಗಳಲ್ಲಿ ಆತಂಕ ಎದುರಾಗಿದೆ.

ಐಟಿ ಕ್ಷೇತ್ರದಲ್ಲಿ ಅಟೋಮೇಷನ್ ನ ಪರಿಣಾಮ ಸತತ ಮೂರನೇ ವರ್ಷ ಉದ್ಯೋಗ ನೇಮಕಾತಿ ಕುಸಿಯಲಿದೆ ಎಂದು ಉದ್ಯಮ ಸಂಸ್ಥೆ ನಾಸ್ಕಾಮ್ ಅಧ್ಯಕ್ಷ ಆರ್ ಚಂದ್ರಶೇಖರ್ ಮಾಹಿತಿ ನೀಡಿದ್ದು, ಇದು ಐಟಿ ಉದ್ಯೋಗದಲ್ಲಿ ನೇಮಕಾತಿ ಕುಸಿತ ಕಾಣುವ ಬಗ್ಗೆ ನಾಸ್ಕಾಮ್ ನೀಡಿರುವ ಎರಡನೇ ಎಚ್ಚರಿಕೆಯಾಗಿದೆ.

ಈ ಹಿಂದೆ ನಾಸ್ಕಾಮ್ ಅಧ್ಯಕ್ಷರಾಗಿದ್ದ ಸಿಪಿ ಗುರ್ನಾನಿ ಅವರು ಐಟಿ ಉದ್ಯೋಗಗಳಲ್ಲಿ ಶೇ.20 ರಷ್ಟು ಕಡಿಮೆಯಾಗಲಿದೆ ಎಂದು ಹೇಳಿದ್ದರು. ಐಟಿ ಕಂಪನಿಗಳ ಲಾಭವು ಕಡಿಮೆಯಾಗುತ್ತಿರುವುದರಿಂದ ಕಂಪನಿಗಳು ಅಟೋಮೇಷನ್ ಮೊರೆ ಹೋಗಿದ್ದು ನೇಮಕಾತಿ ಕಡಿಮೆಯಾಗುತ್ತಿದೆ. ಪರಿಣಾಮ ಭವಿಷ್ಯದ ಐಟಿ ಆಕಾಂಕ್ಷಿಗಳಲ್ಲಿ ಆತಂಕ ಮೂಡಿದೆ.