ಮುಂಬೈ: ಸಾಗರೋತ್ತರ ನಿಧಿ ವಲಸೆ ಹೂಡಿಕೆಯಲ್ಲಿ ಇಳಿಕೆಯ ಭೀತಿ, ಸ್ಥಳೀಯ ಹೂಡಿಕೆದಾರರಲ್ಲಿ ಆಕರ್ಷಣೆ ಕಡಿಮೆಯಾಗಿರುವುದರಿಂದ ಡಾಲರ್ ಎದುರು ರೂಪಾಯಿ ಮೌಲ್ಯ ಭಾರೀ ಪ್ರಮಾಣದಲ್ಲಿ ಕುಸಿದಿದೆ.

ಇಂದು ಬೆಳಗ್ಗಿನ ಆರಂಭಿಕ ವಹಿವಾಟಿನಲ್ಲಿ ಡಾಲರ್ ಎದುರು ರೂಪಾಯಿ ಮೌಲ್ಯ 68 ರೂಪಾಯಿ 83 ಪೈಸೆಯಷ್ಟಿತ್ತು. ಕಳೆದ ಫೆಬ್ರವರಿಯಿಂದ ಕಂಡ ರೂಪಾಯಿ ಕುಸಿತದಲ್ಲಿ ಇದು ಕನಿಷ್ಠ ಮಟ್ಟದ್ದಾಗಿದೆ. ಮೂರು ವರ್ಷಗಳ ಹಿಂದೆ ಆಗಸ್ಟ್ ನಲ್ಲಿ ರೂಪಾಯಿ ಮೌಲ್ಯ 68 ರೂಪಾಯಿ 85 ಪೈಸೆಯಷ್ಟಾಗಿತ್ತು ಮತ್ತು ದಿನದ ವಹಿವಾಟು ಮುಕ್ತಾಯದ ವೇಳೆಗೆ 68 ರೂಪಾಯಿ 83 ಪೈಸೆಯಷ್ಟಾಗಿತ್ತು.

ರೂಪಾಯಿ ಮೌಲ್ಯ ಮತ್ತಷ್ಟು ಕುಸಿಯುವ ಸಾಧ್ಯತೆಯಿರುವುದರಿಂದ ಮಾರುಕಟ್ಟೆ ಮೇಲೆ ತೀವ್ರ ನಿಗಾ ವಹಿಸಲಾಗಿದೆ. ಈ ಮಧ್ಯೆ ರಿಸರ್ವ್ ಬ್ಯಾಂಕ್, ರೂಪಾಯಿ ಮೌಲ್ಯ ದಿಢೀರ್ ಇಳಿಕೆಯಾಗಿರುವುದನ್ನು ಹಿಡಿದಿಡುವ ಪ್ರಯತ್ನವನ್ನು ಮಾಡಬೇಕಾಗಿದೆ ಎಂದು ವಹಿವಾಟುದಾರರು ಹೇಳುತ್ತಾರೆ. ಈ ಬಗ್ಗೆ ಆರ್ ಬಿಐ ಇನ್ನೂ ಯಾವುದೇ ಹೇಳಿಕೆ ನೀಡಿಲ್ಲ.

ವಿದೇಶಿ ಹೂಡಿಕೆದಾರರು ಭಾರತೀಯ ಬಾಂಡ್ ಗಳ ಮೇಲೆ ಲಾಭ ಮಾಡಿಕೊಳ್ಳಲು ನೋಡುತ್ತಿದ್ದಾರೆ.