ಮುಂಬೈ: ರಿಸರ್ವ್ ಬ್ಯಾಂಕ್ ಆಫ್ ಇಂಡಿಯಾದ ಹಿರಿಯ ಅಧಿಕಾರಿ ಬಿಪಿ ಕನುಂಗೊ ಆರ್ ಬಿಐ ನ ನೂತನ ಡೆಪ್ಯುಟಿ ಗೌರ್ನರ್ ಆಗಿ ಅಧಿಕಾರ ಸ್ವೀಕರಿಸಿದ್ದಾರೆ. 

ಮೂರು ವರ್ಷ ಅಧಿಕಾರದಲ್ಲಿರಲಿದ್ದು, ಕರೆನ್ಸಿ ಮ್ಯಾನೇಜ್ ಮೆಂಟ್, ಸಾಲ ನಿರ್ವಹಣೆ, ಪಾವತಿ ಮತ್ತು ಠರಾವಣೆ ವ್ಯವಹಾರಗಳ ಮೇಲ್ವಿಚಾರಣೆ ನಡೆಸಲಿದ್ದಾರೆ. ಮಾ.11 ರಂದು ಬಿಪಿ ಕನುಂಗೊ ಅವರ ನೇಮಕವನ್ನು ಅಧಿಕೃತವಾಗಿ ಪ್ರಕಟಿಸಲಾಗಿತ್ತು. ಆರ್ ಬಿ ಐ ನಲ್ಲಿ ನಾಲ್ವರು ಡೆಪ್ಯುಟಿ ಗೌರ್ನರ್ ಗಳಿರಲಿದ್ದು ಆರ್ ಗಾಂಧಿ ಅವರ ಸ್ಥಾನಕ್ಕೆ  ಕನುಂಗೊ ಅವರನ್ನು ನೇಮಕ ಮಾಡಲಾಗಿದೆ. 

1982 ರಿಂದ ಆರ್ ಬಿಐ ನಲ್ಲಿ ಕಾರ್ಯನಿರ್ವಹಿಸಿರುವ ಕನುಂಗೊ ವಿದೇಶಿ ವಿನಿಮಯ ನಿರ್ವಹಣೆ ಸೇರಿದಂತೆ ವಿವಿಧ ಸ್ತರಗಳಲ್ಲಿ ಕಾರ್ಯನಿರ್ವಹಿಸಿದ ಅನುಭವ ಹೊಂದಿದ್ದಾರೆ.