ನವದೆಹಲಿ: ಬಾಬಾ ರಾಮ್ ದೇವ್ ಅವರ ಪತಂಜಲಿ ಬ್ರಾಂಡ್ ಆಹಾರ ಪದಾರ್ಥಗಳ ಮಾರಾಟ ಕ್ಷೇತ್ರದಿಂದ ಈಗ ಬ್ರಾಂಡೆಡ್ ಬಟ್ಟೆಗಳ ಕ್ಷೇತ್ರಕ್ಕೂ ಶೀಘ್ರವೇ ಕಾಲಿಡಲಿದೆ. 

ಮಾಧ್ಯಮ ವರದಿಯೊಂದರ ಪ್ರಕಾರ ಪತಂಜಲಿ ಆಯುರ್ವೇದ ಲಿಮಿಟೆಡ್ ಸಂಸ್ಥೆ ಸ್ವದೇಶಿ ತಯಾರಿತ ಬಟ್ಟೆಗಳನ್ನು ಪರಿಚಯಿಸಲು ಸಿದ್ಧತೆ ನಡೆಸಿದ್ದು, 2018ರ ಏಪ್ರಿಲ್ ನಲ್ಲಿ ಮಾರುಕಟ್ಟೆಗೆ ಪರಿಚಯವಾಗಲಿದೆ ಎಂದು ತಿಳಿದುಬಂದಿದೆ. ಬಿಗ್ ಬಜಾರ್ ಸೇರಿದಂತೆ ಮಾಲ್ ಗಳಲ್ಲಿಯೂ ಸಹ ಪತಂಜಲಿ ಬಟ್ಟೆಗಳು ದೊರೆಯಲಿವೆ ಎಂದು ಪತಂಜಲಿ ಆಯುರ್ವೇದದ ವಕ್ತಾರ ಎಸ್ ಕೆ ತಿಜಾರ್ವಾಲ ಹೇಳಿದ್ದಾರೆ. 

ಜೀನ್ಸ್ ರೀತಿಯ ವಿದೇಶಿ ಉಡುಪುಗಳನ್ನೂ ಸಹ ಪತಂಜಲಿ ಸ್ವದೇಶದಲ್ಲಿಯೇ ತಯಾರಿಸಲಿದ್ದು, ಟೆಕ್ಸ್ ಟೈಲ್ ಉತ್ಪಾದನೆ ಕ್ಷೇತ್ರದಲ್ಲಿ ಪತಂಜಲಿ ಉದ್ಯಮವನ್ನು ಪ್ರಾರಂಭಿಸಲಿದೆ ಎಂದು ಕಳೆದ ವರ್ಷ ನಡೆದ ಇಂದೋರ್ ನಲ್ಲಿ ನಡೆದ ಜಾಗತಿಕ ಹೂಡಿಕೆದಾರರ ಸಮಾವೇಶದಲ್ಲಿ ಹೇಳಿದ್ದರು.