ನವದೆಹಲಿ: ಅ.17, ಧನತ್ರಯೋದಶಿಯಂದು ಒಂದೇ ದಿನ 3 ಲಕ್ಷ ಯುನಿಟ್ ಗಳಷ್ಟು ವಾಹನಗಳನ್ನು ಮಾರಾಟ ಮಾಡಿರುವುದಾಗಿ ದೇಶದ ಅತಿ ದೊಡ್ಡ ದ್ವಿಚಕ್ರ ವಾಹನ ಉತ್ಪಾದಕ ಹಿರೋ ಮೋಟೊ ಕಾರ್ಪ್ ಹೇಳಿದೆ.

ಜಾಗತಿಕವಾಗಿ ಈ ಮೈಲುಗಲ್ಲು ಸಾಧಿಸಿದ ಮೊದಲ ಸಂಸ್ಥೆ ಹಿರೋ ಮೋಟೊ ಕಾರ್ಪ್ ಎಂದು ಸಂಸ್ಥೆ ಪ್ರಕಟಣೆಯಲ್ಲಿ ತಿಳಿಸಿದೆ. ದೀಪಾವಳಿ ಹಬ್ಬದ ಸೀಸನ್ ಹಿರೋ ಮೋಟೊ ಕಾರ್ಪ್ ಗೆ ಬ್ಲಾಕ್ ಬಾಸ್ಟರ್ ಆಗಿದೆ. ಒಂದೇ ದಿನ 3 ಲಕ್ಶ ಯುನಿಟ್ ನಷ್ಟು ಬೈಕ್ ಗಳು ಮಾರಾಟವಾಗಿರುವುದು ಜಾಗತಿಕ ಮಟ್ಟದಲ್ಲಿ ಹೊಸ ದಾಖಲೆ ಸೃಷ್ಟಿಯಾಗಿದೆ ಎಂದು ಸಂಸ್ಥೆಯ ಅಧಿಕಾರಿಗಳು ತಿಳಿಸಿದ್ದಾರೆ. 

ಸೆಪ್ಟೆಂಬರ್ ತಿಂಗಳಲ್ಲಿ 7 ಲಕ್ಷ ಯುನಿಟ್ ನಷ್ಟು ವಾಹನಗಳು ಮಾರಾಟವಾಗಿದ್ದವು ಎಂದು ಎರಡನೇ ತ್ರೈಮಾಸಿಕದಲ್ಲಿ 2 ಮಿಲಿಯನ್ ಯುನಿಟ್ ಗಳಷ್ಟು ಬೈಕ್ ಗಳು ಮಾರಾಟವಾಗಿದ್ದವು ಎಂದು ಸಂಸ್ಥೆ ತಿಳಿಸಿದೆ.