ಪೆಪ್ಸಿಕೋ ಸಂಸ್ಥೆಯ ಸಿಇಒ ಸ್ಥಾನದಿಂದ ಇಂದ್ರಾ ನೂಯಿ ಕೆಳಗಿಳಿಯಲಿದ್ದಾರೆ. 

ತಂಪುಪಾನಿಯ ತಯಾರಿಕಾ ಸಂಸ್ಥೆ ಪೆಪ್ಸಿಕೋ ಈ ಬಗ್ಗೆ ಸ್ಪಷ್ಟನೆ ನೀಡಿದ್ದು, 12 ವರ್ಷಗಳ ನಂತರ ಸಿಇಒ ಸ್ಥಾನದಿಂದ ಇಂದ್ರಾ ನೂಯಿ ಕೆಳಗಿಳಿಯುತ್ತಿದ್ದು, ನೂತನ ಸಿಇಒ ಆಗಿ ಅಧ್ಯಕ್ಷ ರಾಮನ್ ಲಗುವರ್ಟಾ ನೇಮಕಗೊಂಡಿದ್ದಾರೆ. 

ಅ.03 ರಂದು ರಾಮನ್ ಲಗುವರ್ಟಾ ಸಿಇಒ ಆಗಿ ಅಧಿಕಾರ ವಹಿಸಿಒಕೊಳ್ಳಲಿದ್ದು, ಆಡಳಿತ ಮಂಡಳಿಗೂ ಸೇರ್ಪಡೆಯಾಗಲಿದ್ದಾರೆ ಎಂದು ಸಂಸ್ಥೆ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.  ಪೆಪ್ಸಿಕೋ ಸಂಸ್ಥೆಯಲ್ಲಿ 24 ವರ್ಷಗಳ ಕಾಲ ಕಾರ್ಯನಿರ್ವಹಣೆ ಮಾಡಿರುವ ಇಂದ್ರಾ ನೂಯಿ 2019 ರ ವರೆಗೂ ಆಡಳಿತ ಮಂಡಳಿ ಅಧ್ಯಕ್ಷರಾಗಿ ಮುಂದುವರೆಯಲಿದ್ದಾರೆ. 2006 ರಲ್ಲಿ ನೂಯಿ ಸಿಇಒ ಆಗಿ ಅಧಿಕಾರ ವಹಿಸಿಕೊಂಡಾಗಿನಿಂದ ಸಂಸ್ಥೆಯ ಷೇರುಗಳು ಶೇ.78 ರಷ್ಟು ಏರಿಕೆ ಕಂಡಿವೆ