ಈ ವರ್ಷ ಯೂ ಟ್ಯೂಬ್ ನಲ್ಲಿ ಅತಿ ಹೆಚ್ಚು ಸಂಭಾವನೆ ಪಡೆದಿರುವ ಸ್ಟಾರ್ಸ್ ಗಳ ಬಗ್ಗೆ ಫೋರ್ಬ್ಸ್ ಪಟ್ಟಿಯನ್ನು ನೋಡಿದ ಹಲವು ಯುವಕರಿಗೆ ದಿಗ್ಭ್ರಮೆಯಾಗುವಂತಹ ಸುದ್ದಿಯೊಂದಿದೆ. ಕಾರಣವೇನೆಂದರೆ ಅದು 7 ವರ್ಷದ ಬಾಲಕನ ಸಾಧನೆ.

ರಯಾನ್ ಎಂಬ 7 ವರ್ಷದ ಬಾಲಕ ಯೂಟ್ಯೂಬ್ ಚಾನಲ್ ನಲ್ಲಿ ರಯಾನ್ ಟಾಯ್ಸ್ ರಿವ್ಯೂ ಚನಲ್ ಹೊಂದಿದ್ದು, 17 ಮಿಲಿಯನ್ ಚಂದಾದಾರರಿದ್ದಾರೆ. ಟಾಯ್ಸ್ ರಿವ್ಯೂ ಇಂದಲೇ ರಯಾನ್ ಒಂದು ವರ್ಷದಲ್ಲಿ 155 ಕೋಟಿ ರೂಪಾಯಿ ಗಳಿಸಿದ್ದು, ಈ ಚಾನಲ್ ನಲ್ಲಿ HUGE EGGS Surpise Toys Challenge with Inflatable water slide ಎಂಬ ಒಂದೇ ಒಂದು ವಿಡಿಯೋವನ್ನು 1.6 ಬಿಲಿಯನ್ ಜನರು ವೀಕ್ಷಿಸಿದ್ದಾರೆ. 

ಕಳೆದ ವರ್ಷದ ಫೋರ್ಬ್ಸ್ ಪಟ್ಟಿಯಲ್ಲಿ ರಯಾನ್ ಟಾಪ್ 8 ನೇ ಸ್ಥಾನದಲ್ಲಿದ್ದು  2017 ರ ಜೂ.1 ರಿಂದ 2018 ರ ಜೂನ್ 1 ವರೆಗೆ ಬರೊಬ್ಬರಿ 155 ಕೋಟಿ ರೂಪಾಯಿ ಗಳಿಸುವ ಮೂಲಕ ಈ ವರ್ಷ ಮೊದಲ ಸ್ಥಾನದಲ್ಲಿದ್ದಾರೆ. ಯೂಟ್ಯೂಬ್ ಕಂಟೆಂಟ್ ಕ್ರಿಯೇಟರ್ಸ್ ಅಪ್ಲೋಡ್ ಮಾಡುವ ವಿಡಿಯೋಗಳಿಗೆ ನಿರ್ದಿಷ್ಟ ಸಂಖ್ಯೆಯ ವೀಕ್ಷಕರು ಬಂದಲ್ಲಿ ಹಣ ಗಳಿಸಬಹುದಾಗಿದೆ.