ನವದೆಹಲಿ: ಉದ್ಯಮಿ ನೀರವ್ ಮೋದಿ ಕೋಟ್ಯಂತರ ರೂಪಾಯಿ ಹಗರಣ ನಡೆಸಿ ಸುದ್ದಿಯಾಗಿದ್ದ ಪಂಜಾಬ್ ನ್ಯಾಷನಲ್ ಬ್ಯಾಂಕಿನ ಮುಂಬೈ ಶಾಖೆಯಲ್ಲಿ ಮತ್ತೊಂದು 9.9 ಕೋಟಿ ರೂಪಾಯಿ ಅಕ್ರಮವೆಸಗಿರುವುದು ಬೆಳಕಿಗೆ ಬಂದಿದೆ.
ಹಲವು ಬ್ಯಾಂಕುಗಳಿಂದ ಸಾಗರೋತ್ತರ ಹಣ ಪಡೆದುಕೊಳ್ಳಲು ಹಲವು ಎಲ್ಒಯು ಮೂಲಕ ಉದ್ಯಮಿ ನೀರವ್ ಮೋದಿ ಪಂಜಾಬ್ ನ್ಯಾಷನಲ್ ಬ್ಯಾಂಕಿಗೆ 1.77 ಶತಕೋಟಿ ಅಮೆರಿಕ ಡಾಲರ್ ವಂಚನೆ ಎಸಗಿರುವುದು ಪತ್ತೆಯಾದ ನಂತರದ ಬೆಳವಣಿಗೆ ಇದಾಗಿದೆ.
ನೀರವ್ ಮೋದಿ ಕೇಸಿಗೆ ಸಂಬಂಧಪಟ್ಟಂತೆ ಪಂಜಾಬ್ ನ್ಯಾಷನಲ್ ಬ್ಯಾಂಕು ನೀರವ್ ಮೋದಿ ಹಾಗೂ ಅವರ ಸಂಬಂಧಿಕ ಮೆಹುಲ್ ಚೊಕ್ಸಿ ವಿರುದ್ಧ ಈಗಾಗಲೇ ಕೇಸು ದಾಖಲಿಸಿ ವಿಚಾರಣೆ ನಡೆಯುತ್ತಿದೆ.
ಕಳೆದ ಗುರುವಾರ ಸಿಬಿಐ ನೀರವ್ ಮೋದಿಗೆ ಸೇರಿದ ಎರಡು ಸಂಸ್ಥೆಗಳ ವಿರುದ್ಧ ಹೊಸ ಕೇಸನ್ನು ದಾಖಲಿಸಿತ್ತು.