ಭಾರತದ ಶೇ.5 ರಷ್ಟು ವಯಸ್ಕರು ಮಾತ್ರ ಉದ್ಯಮಗಳನ್ನು ಸ್ಥಾಪಿಸುತ್ತಾರೆ ಎಂದು ಸಮೀಕ್ಷೆಯೊಂದು ಹೇಳಿದೆ. 

ಜಾಗತಿಕ ವಾಣಿಜ್ಯೋದ್ಯಮ ಮಾನಿಟರ್ (ಜಿಇಎಂ) ಇಂಡಿಯಾದ 2016-17 ರ ವರದಿಯ ಪ್ರಕಾರ ಶೇ.11 ರಷ್ಟು ವಯಸ್ಕರು ಆರಂಭಿಕ ಹಂತದ ವಾಣಿಜ್ಯೋದ್ಯಮ ಚಟುವಟಿಕೆಗಳಲ್ಲಿ ತೊಡಗುತ್ತಾರೆ, ಆದರೆ ಶೇ.5 ರಷ್ಟು ಮಂದಿ ಮಾತ್ರ ತಮ್ಮದೇ ಆದ ಉದ್ಯಮವನ್ನು ಸ್ಥಾಪಿಸುತ್ತಾರೆ. 

ಉದ್ಯಮ ಸ್ಥಾಪಿಸಲು ಯತ್ನಿಸಿ ಅದರಿಂದ ದೂರ ಸರಿಯುವವರ ಸಂಖ್ಯೆ ಭಾರತದಲ್ಲಿ ಶೇ.26.4 ರಷ್ಟಿದ್ದು, ಇದು ವಿಶ್ವದಲ್ಲೇ ಅತಿ ಹೆಚ್ಚಿನ ಸಂಖ್ಯೆಯಾಗಿದೆ ಎಂದು ತಿಳಿದುಬಂದಿದೆ. 18-64 ವರ್ಷದವರನ್ನು ಸಮೀಕ್ಷೆಗೆ ಒಳಪಡಿಸಲಾಗಿದ್ದು, ಒಟ್ಟಾರೆ  ಆರಂಭಿಕ ಹಂತದ ವಾಣಿಜ್ಯೋದ್ಯಮ ಚಟುವಟಿಕೆಗಳಲ್ಲಿ (ಟಿಇಎ) ಶೇ.11 ರಷ್ಟು ಮಂದಿ ಗುರುತಿಸಿಕೊಂಡಿದ್ದಾರೆ. 

ಶೇ.4-5 ರಷ್ಟು ಮಂದಿ ಮಾತ್ರ ಹೊಸದಾಗಿ ಉದ್ಯಮವನ್ನು ಮುನ್ನಡೆಸುತ್ತಿರುವವರಿದ್ದಾರೆ ಎಂದು ತಿಳಿದುಬಂದಿದೆ.