ನವದೆಹಲಿ: ಆಟೋಮೊಬೈಲ್, ಕಟ್ಟಡ ನಿರ್ಮಾಣ, ಇಂಜಿನಿಯರಿಂಗ್ ಕ್ಷೇತ್ರಗಳಿಂದಾಗಿ ಏಪ್ರಿಲ್ ತಿಂಗಳ ನೇಮಕಾತಿಯ ಪ್ರಮಾಣವನ್ನು ಶೇ.21 ಕ್ಕೆ ಏರಿಕೆ ಮಾಡಿವೆ ಎಂದು ನೌಕರಿ.ಕಾಮ್ ನ ವೆಬ್ ಸೈಟ್ ವರದಿ ಮಾಡಿದೆ. 

ನೌಕರಿಯ ಜಾಬ್ ಸ್ಪೀಕ್ ಇಂಡೆಕ್ಸ್ ಪ್ರಕಾರ, ಕಳೆದ ವರ್ಷ ಕೈಗೊಳ್ಳಲಾದ ಆರ್ಥಿಕ ಸುಧಾರಣೆಗಳ ಪರಿಣಾಮವಾಗಿ ಉದ್ಯೋಗ ಮಾರುಕಟ್ಟೆಯಲ್ಲಿ  ಅನಿರೀಕ್ಷಿತ ಸ್ವಭಾವ ಕಂಡುಬಂದಿತ್ತು. ಆದರೆ ಈ ವರ್ಷ  ಏಪ್ರಿಲ್ ತಿಂಗಳ ನೇಮಕಾತಿ ಶೇ.21 ಕ್ಕೆ ಏರಿಕೆ ಕಾರಣವಾಗಲು ಆಟೋಮೊಬೈಲ್, ಕಟ್ಟಡ ನಿರ್ಮಾಣ, ಇಂಜಿನಿಯರಿಂಗ್ ಕ್ಷೇತ್ರಗಳು ಪ್ರಮುಖ ಪಾತ್ರ ವಹಿಸಿವೆ ಎಂದು ನೌಕರಿ.ಕಾಮ್ ನ ಮಾರುಕಟ್ಟೆ ವಿಭಾಗದ ಮುಖ್ಯಸ್ಥ ವಿ ಸುರೇಶ್ ಹೇಳಿದ್ದಾರೆ. 

2018 ವರ್ಷದ ಮೊದಲ ತ್ರೈಮಾಸಿಕದಲ್ಲಿ ಕಂಡುಬಂದ ಬೆಳವಣಿಗೆಯಿಂದಾಗಿ ಏಪ್ರಿಲ್ ತಿಂಗಳ ನೇಮಕಾತಿ ಶೇ.21 ಕ್ಕೆ ಏರಿಕೆಯಾಗಿದ್ದು ಇದು ಉತ್ತಮ ಆರ್ಥಿಕ ವರ್ಷಕ್ಕೆ ಮುನ್ನುಡಿಯಾಗಿದೆ ಎಂದು  ಆರ್ಥಿಕ ತಜ್ಞರು ಹೇಳಿದ್ದಾರೆ.