ನವದೆಹಲಿ: ದೇಶದ ಮಹತ್ವದ ಕೈಗಾರಿಕಾ ಸಾಂಸ್ಥೆ ಮಹೀಂದ್ರಾ ಸಮೂಹದ ಅಧ್ಯಕ್ಷ ಸ್ಥಾನದಿಂದ ಆನಂದ್ ಮಹೀಂದ್ರಾ ಕೆಳಗಿಳಿಯಲಿದ್ದಾರೆ.2020 ರ ಏಪ್ರಿಲ್ 1 ರಿಂದ ಸಮೂಹದ ಕಾರ್ಯನಿರ್ವಾಹಕ ಅಧ್ಯಕ್ಷ ಸ್ಥಾನದಿಂದ ಕೆಳಗಿಳಿಯುವ ನಿರ್ಧಾರವನ್ನು ಕೈಗಾರಿಕೋದ್ಯಮಿ ಆನಂದ್ ಮಹೀಂದ್ರಾ ಶುಕ್ರವಾರ ಪ್ರಕಟಿಸಿದ್ದಾರೆ.

ಏಪ್ರಿಲ್ 1 ರಿಂದ ಜಾರಿಗೆ ಬರುವಂತೆ ಮಹೀಂದ್ರಾ ಮಹೀಂದ್ರಾ ಮತ್ತು ಮಹೀಂದ್ರಾ ಮಂಡಳಿಯಲೇ ನಾನ್‌ ಎಕ್ಸಿಕ್ಯುಟಿವ್‌ ಚೇರ್‌ಮನ್‌ ನೇಮಕವಾಗಲಿದ್ದಾರೆ.

ಮುಂದಿನ ಹದಿನೈದು ತಿಂಗಳಲ್ಲಿ ಹಲವಾರು ಪ್ರಮುಖ ನಾಯಕರು ನಿವೃತ್ತರಾಗಲಿದ್ದಾರೆ ಎಂದು ಮಹೀಂದ್ರಾ ಅಂಡ್ ಮಹೀಂದ್ರಾ ಹೇಳಿಕೆಯಲ್ಲಿ ತಿಳಿಸಿದ್ದು ಅದರ ಉನ್ನತ ಮಟ್ಟದ  ನಿರ್ವಹಣೆಯಲ್ಲಿನ ಪ್ರಮುಖ ಬದಲಾವಣೆಗಳ ವಿವರಗಳನ್ನು ನೀಡಲಾಗಿದೆ. ಕಂಪನಿಯ ಉನ್ನತ ನಿರ್ವಹಣೆಯಲ್ಲಿನ ಬದಲಾವಣೆಯು ಮಾರುಕಟ್ಟೆ ನಿಯಂತ್ರಕ ಸೆಬಿಯ ಮಾರ್ಗಸೂಚಿಗಳೊಂದಿಗೆ ಹೊಂದಿಕೆಯಾಗಿದ್ದು, ಮಂಡಳಿಯ ಸ್ವಾತಂತ್ರ್ಯವನ್ನು ಇನ್ನಷ್ಟು ಹೆಚ್ಚಿಸುತ್ತದೆ ಎಂದು ಹೇಳಲಾಗಿದೆ.

ಇದೇ ವೇಳೆ ವ್ಯವಸ್ಥಾಪಕ ನಿರ್ದೇಶಕ ಪವನ್ ಕುಮಾರ್ ಗೋಯೆಂಕಾ ಅವರನ್ನು ವ್ಯವಸ್ಥಾಪಕ ನಿರ್ದೇಶಕ ಮತ್ತು ಮುಖ್ಯ ಕಾರ್ಯನಿರ್ವಾಹಕ ಅಧಿಕಾರಿಯಾಗಿ ನೇಮಕ ಮಾಡಲಾಗುತ್ತಿದ್ದು ಅದೂ ಸಹ ಮುಂಬರುವ ಏಪ್ರಿಲ್ ನಿಂದ ಜಾರಿಗೆ ಬರಲಿದೆ. ಅವರ ಅಧಿಕಾರಾವಧಿ , ನವೆಂಬರ್ 11, 2020ರವರೆಗೆ ಇರಲಿದೆ. ಇದಾಗಿ ನವೆಂಬರ್ 12, 2020ರಿಂದ ಏಪ್ರಿಲ್‌ 1, 2021ರವರೆಗೆ ಗೋಯೆಂಕಾ  ಎಂಡಿ ಹಾಗೂ ಸಿಇಒ ಆಗಿ ಸೇವೆ ಸಲ್ಲಿಸಲಿದ್ದಾರೆ ಎಂದು ಕಂಪನಿ ಪ್ರಕಟಣೆ ಹೇಳಿದೆ.