ಪ್ಯಾರಿಸ್: ಪಾಲುದಾರ ಸಂಸ್ಥೆಯೊಂದಿಗಿನ ಒಪ್ಪಂದದಲ್ಲಿ ನಿಂದನೀಯ ಷರತ್ತುಗಳನ್ನು ವಿಧಿಸಿದ ಆರೋಪಕ್ಕೆ ಸಂಬಂಧಿಸಿದಂತೆ ದೈತ್ಯ ಆನ್ ಲೈನ್ ಮಾರಾಟ ಸಂಸ್ಥೆ ಅಮೇಜಾನ್ ಗೆ ಫ್ರಾನ್ಸ್ ನ ವಾಣಿಜ್ಯ ನ್ಯಾಯಾಲಯ 4 ದಶಲಕ್ಷ ಯುರೋ ದಂಡ ವಿಧಿಸಿದೆ.
ಗ್ರಾಹಕರ ವಿಚಾರಣಾ ಸಮಿತಿಯಾದ ಡಿಜಿಸಿಸಿಆರ್ ಎಫ್ ಎರಡು ವರ್ಷಗಳ ಕಾಲ ತನಿಖೆ ನಡೆಸಿ ನೀಡಿದ ವರದಿ ಆಧರಿಸಿ ನ್ಯಾಯಾಲಯ, ಈ ಭಾರಿ ಮೊತ್ತದ ದಂಡ ವಿಧಿಸಿದೆ.
ಪಾಲುದಾರ ಸಂಸ್ಥೆಗೆ 12 ಕ್ಕೂ ಹೆಚ್ಚು ಅನವಶ್ಯಕ ಹಾಗೂ ಅಸಮಾತೋಲಿತ ಷರತ್ತುಗಳನ್ನು ವಿಧಿಸಿದ್ದರಿಂದ ಆ ಸಂಸ್ಥೆ ಅದನ್ನು ಫಾಲಿಸಿಲ್ಲ. ಈ ಷರತ್ತುಗಳು ಯಾವುದೇ ವಾಣಿಜ್ಯ ಷರತ್ತುಗಳಿಗೆ ಬದ್ಧವಾಗಿರಲಿಲ್ಲ. ಯಾವುದೇ ವಿವರಣೆಗೂ ಕೂಡಾ ಯೋಗ್ಯವಾಗಿಲ್ಲ ಎಂದು ನ್ಯಾಯಾಲಯ ತೀರ್ಪು ನೀಡಿದೆ ಎಂದು ಅಲ್ಲಿನ ವಿದೇಶಾಂಗ ಸಚಿವಾಲಯ ತಿಳಿಸಿದೆ.
ಇದು ಇಂತಹ ಪ್ರಕರಣದಲ್ಲಿ ವಿಧಿಸಿದ ಅತಿ ದೊಡ್ಡ ಮೊತ್ತದ ದಂಡವಾಗಿದೆ ಎಂದು ಸಚಿವಾಲಯ ಮಾಹಿತಿ ನೀಡಿದೆ.