ಭಾರತೀಯ ರಿಸರ್ವ್ ಬ್ಯಾಂಕ್ ವಿಶಿಷ್ಟ ಮೊಬೈಲ್ ಆಪ್ ಅಭಿವೃದ್ಧಿಪಡಿಸಿದ್ದು, ದೃಷ್ಟಿ ಸಮಸ್ಯೆ ಎದುರಿಸುತ್ತಿರುವವರಿಗೆ ಭಾರತೀಯ ಬ್ಯಾಂಕ್ ನೋಟ್ ಗಳನ್ನು ಗುರುತಿಸುವುದಕ್ಕೆ ಸಹಕಾರಿಯಾಗಲಿದೆ. 

ಮೊಬೈಲ್ ಏಡೆಡ್ ನೋಟ್ ಐಡೆಂಟಿಫೈಯರ್-(ಮನಿ) ಹೊಸದಾಗಿ ಬಿಡುಗಡೆಯಾಗಿರುವ ಆಪ್ ನ ಹೆಸರಾಗಿದೆ. ಪ್ರಸ್ತುತ ಭಾರತೀಯ ಬ್ಯಾಂಕ್ ನೋಟ್ ಗಳಲ್ಲಿ ದೃಷ್ಟಿ ದೋಷ ಹೊಂದಿರುವವರಿಗೆ ಗುರುತಿಸಲು ಸಾಧ್ಯವಾಗುವ ವೈಶಿಷ್ಟ್ಯಗಳಿವೆ. 

ಭಾರತೀಯ ಬ್ಯಾಂಕ್ ಗಳ ನೋಟ್ ಗಳನ್ನು ದೃಷ್ಟಿ ದೋಷ ಹೊಂದಿರುವವರು ಮತ್ತಷ್ಟು ಪರಿಣಾಮಕಾರಿಯಾಗಿ ಗುರುತಿಸುವುದಕ್ಕೆ ತಾಂತ್ರಿಕ ಪ್ರಗತಿ ಹೊಸತನಕ್ಕೆ ತೆರೆದುಕೊಂಡಿದೆ, ಈ ಮೂಲಕ ಅವರ ದೈನಂದಿನ ವಹಿವಾಟುಗಳಿಗೆ ಅನುಕೂಲವಾಗಲಿದೆ ಎಂದು ಆರ್ ಬಿಐ ಹೇಳಿದೆ.
 
ಈ ಆಪ್ ನ ವಿಶೇಷತೆಗಳೇನು, ಹೇಗೆ ಕಾರ್ಯನಿರ್ವಹಣೆ ಮಾಡಲಿದೆ?

• ಈ ಮೊಬೈಲ್ ಆಪ್ ಮಹಾತ್ಮಾ ಗಾಂಧಿ ಸರಣಿ ಹಾಗೂ ಮಹಾತ್ಮಾ ಗಾಂಧಿ ಹೊಸ ಸರಣಿಗಳ ಬ್ಯಾಂಕ್ ನೋಟ್ ಗಳನ್ನು ಗುರುತಿಸುವ, ನೋಟಿನ ಮುಂಭಾಗ, ಹಿಮ್ಮುಖಗಳನ್ನು ಗುರುತಿಸುವ, ಅಥವಾ ಅರ್ಧ ಮಡಚಿದ ನೋಟುಗಳನ್ನು ಗುರುತಿಸುವ ಸಾಮರ್ಥ್ಯ ಹೊಂದಿದೆ. 
• ಹಿಂದಿ, ಇಂಗ್ಲೀಷ್ ಭಾಷೆಗಳ ಧ್ವನಿಯಲ್ಲಿ ನೋಟುಗಳ ಮುಖಬೆಲೆಯನ್ನೂ ಗುರುತಿಸುವ ಸಾಮರ್ಥ್ಯವನ್ನು ಹೊಂದಿರುವುದು ಈ ಆಪ್ ನ ವೈಶಿಷ್ಟ್ಯವಾಗಿದ್ದು, ಧ್ವನಿ ನಿಯಂತ್ರಿತ ನ್ಯಾವಿಗೇಷನ್ ಹೊಂದಿದೆ. 
• ಈ ಆಪ್ ಅಂತರ್ಜಾಲ ಸೇವೆಯ ಹೊರತಾಗಿಯೂ ಆಫ್ ಲೈನ್ ನಲ್ಲಿ ಈ ಆಪ್ ಕಾರ್ಯನಿರ್ವಹಣೆ ಮಾಡಲಿದೆ.