ಮುಂಬೈ: 53,124.20 ಕೋಟಿ ರೂ.ಗಳ, ಭಾರತದಲ್ಲಿ ಈವರೆಗಿನ ಅತಿದೊಡ್ಡ ರೈಟ್ಸ್ ಇಶ್ಯೂವನ್ನು ಯಶಸ್ವಿಯಾಗಿ ಪೂರ್ಣಗೊಳಿಸಿರುವುದಾಗಿ ರಿಲಯನ್ಸ್ ಇಂಡಸ್ಟ್ರೀಸ್ ಲಿಮಿಟೆಡ್ ಘೋಷಿಸಿದೆ. 

ಇದಕ್ಕೆ ಸುಮಾರು 1.59 ಪಟ್ಟು ಚಂದಾದಾರಿಕೆ ದೊರೆತಿದ್ದು, ಒಟ್ಟಾರೆ 84,000 ಕೋಟಿ ರೂ.ಗಳಿಗೂ ಹೆಚ್ಚಿನ ಬದ್ಧತೆಯನ್ನು ಪಡೆದುಕೊಂಡಿತ್ತು. ಲಕ್ಷಾಂತರ ಸಣ್ಣ ಹೂಡಿಕೆದಾರರಿಂದ ಹಾಗೂ ಸಾವಿರಾರು ದೇಶೀಯ ಹಾಗೂ ವಿದೇಶಿ ಸಾಂಸ್ಥಿಕ ಹೂಡಿಕೆದಾರರಿಂದಲೂ ಸೇರಿದಂತೆ ಈ ರೈಟ್ಸ್ ಇಶ್ಯೂವಿನತ್ತ ಹೂಡಿಕೆದಾರರ ಭಾರೀ ಆಸಕ್ತಿ ವ್ಯಕ್ತವಾಗಿತ್ತು. ರೈಟ್ಸ್ ಇಶ್ಯೂವಿನ ಸಾರ್ವಜನಿಕ ಭಾಗಕ್ಕೆ 1.22 ಪಟ್ಟು ಚಂದಾದಾರಿಕೆ ಲಭಿಸಿದೆ.

ಈಕ್ವಿಟಿ ಶೇರುಗಳ ಹಂಚಿಕೆ 2020ರ ಜೂನ್ 10ರಂದು ಅಥವಾ ಆ ಸುಮಾರಿಗೆ ನಡೆಯಲಿದೆ. ರೈಟ್ಸ್ ಶೇರುಗಳನ್ನು ಬಿಎಸ್ಇ ಮತ್ತು ಎನ್ಎಸ್ಇಯಲ್ಲಿ 2020ರ ಜೂನ್ 12ರಂದು ಅಥವಾ ಆ ಸುಮಾರಿಗೆ ಪ್ರತ್ಯೇಕ ಐಎಸ್ಐಎನ್ ಅಡಿಯಲ್ಲಿ ಲಿಸ್ಟ್ ಮಾಡಲಾಗುವ ನಿರೀಕ್ಷೆಯಿದೆ.