ನವದೆಹಲಿ: 2019 ನೇ ಸಾಲಿನ ಆದಾಯ ತೆರಿಗೆ ರಿಟರ್ನ್ಸ್ ಸಲ್ಲಿಕೆಯ ಗಡುವನ್ನು ಕೇಂದ್ರ ಸರ್ಕಾರ ವಿಸ್ತರಣೆ ಮಾಡಿದೆ. 

ಜೂ.24 ರಂದು ಕೇಂದ್ರ ಸರ್ಕಾರ ವಿಸ್ತರಣೆಯ ಆದೇಶವನ್ನು ಪ್ರಕಟಿಸಿದ್ದು, 2020 ರ ಜು.31 ವರೆಗೆ ಗಡುವು ವಿಸ್ತರಿಸಲಾಗಿದೆ.
ಇದೇ ವೇಳೆ ಆಧಾರ್ ಹಾಗೂ ಪ್ಯಾನ್ (PAN) ಜೋಡಣೆಗೆ ನೀಡಲಾಗಿದ್ದ ಗಡುವನ್ನೂ 2021 ರ ಮಾರ್ಚ್ 31 ವರೆಗೂ ವಿಸ್ತರಿಸಲಾಗಿದೆ.

ನೇರ ತೆರಿಗೆಗಳ ಕೇಂದ್ರ ಮಂಡಳಿ (ಸಿಬಿಡಿಟಿ) ಈ ಕುರಿತು ಅಧಿಸೂಚನೆ ಹೊರಡಿಸಿದ್ದು, ಐಟಿ ಕಾಯ್ದೆಯ ಅಡಿ ತೆರಿಗೆ ಕಡಿತಕ್ಕಾಗಿ ವಿವಿಧ ಕ್ಷೇತ್ರಗಳಲ್ಲಿ ಹೂಡಿಕೆಗೆ ವಿಧಿಸಲಾಗಿದ್ದ ಕಾಲಮಿತಿಯನ್ನು ಜು.31 ವರೆಗೆ ವಿಸ್ತರಿಸಿದೆ. 2019-20 ರ ಐಟಿ ರಿಟರ್ನ್ಸ್ ಸಲ್ಲಿಕೆಯ ಗಡುವನ್ನು ಈಗಾಗಲೇ 2020 ರ ನವೆಂಬರ್ 30 ವರೆಗೆ ವಿಸ್ತರಿಸಲಾಗಿದೆ.