ರಿಯಲ್ ಸ್ಟಾರ್ ಉಪೇಂದ್ರ ವಿನೂತನ ಕಥಾ ಹಂದರ ಹೊಂದಿರುವ ಸಿನಿಮಾ ಮಾಡಲು ಮುಂದಾಗಿದ್ದಾರೆ. 

ಕರ್ವ ನವನೀತ್ ನಿರ್ದೇಶನ ಹಾಗೂ ತರುಣ್ ಶಿವಪ್ಪ ನಿರ್ಮಾಣದಲ್ಲಿ ತಯಾರಾಗುತ್ತಿರುವ ಈ ಚಿತ್ರ ಕ್ರಿಕೆಟ್ ವಿಷಯದ ಕುರಿತದ್ದಾಗಿರಲಿದೆ. ಕರ್ವ ಸಿನಿಮಾ ಮೂಲಕ ನಿರ್ದೇಶಕನಾಗಿ ಸ್ಯಾಂಡಲ್ ವುಡ್ ಗೆ ಪರಿಚಯವಾದ ನವನೀತ್ ಅವರ 3 ನೇ ಸಿನಿಮಾ ಇದಾಗಿದೆ.

ತರುಣ್ ಟಾಕೀಸ್ ಉಪೇಂದ್ರ ಅವರ ಮುಂದಿನ ಸಿನಿಮಾವನ್ನು ಅವರ ಹುಟ್ಟುಹಬ್ಬ ಸೆ.18 ರಂದು ಘೋಷಿಸಲು ಸಿದ್ಧತೆ ಮಾಡಿಕೊಂಡಿದೆ. 

ರೋಸ್ ಸಿನಿಮಾ ಮೂಲಕ ಚಿತ್ರ ನಿರ್ಮಾಣ ಪ್ರಾರಂಭಿಸಿದ್ದ ತರುಣ್ ಶಿವಪ್ಪ, ಈಗ ಚಿರಂಜೀವಿ ಸರ್ಜಾ ಹಾಗೂ ತಾನ್ಯ ಹೋಪ್ ನಟನೆಯ ಖಾಕಿ ಚಿತ್ರದಲ್ಲಿ ವ್ಯಸ್ತರಾಗಿದ್ದಾರೆ. ಉಪೇಂದ್ರರ ಹೊಸ ಸಿನಿಮಾ ತರುಣ್ ಶಿವಪ್ಪ ಅವರ ನಿರ್ಮಾಣದಲ್ಲಿ ತಯಾರಾಗುತ್ತಿರುವ 5 ನೇ ಸಿನಿಮಾ ಆಗಿರಲಿದೆ. ಉಪೇಂದ್ರ ಈಗ ಜಯರಾಮ್ ನಿರ್ದೇಶನದ ಬುದ್ಧಿವಂತ-2 ಸಿನಿಮಾ ಚಿತ್ರೀಕರಣದಲ್ಲಿ ತೊಡಗಿದ್ದಾರೆ. ಇದೇ ವೇಳೆ ಆರ್ ಚಂದ್ರು ನಿರ್ದೇಶನದ ಕಬ್ಜಾ ಸಿನಿಮಾದಲ್ಲೂ ಸಹ ರಿಯಲ್ ಸ್ಟಾರ್ ತೊಡಗಿಸಿಕೊಳ್ಳಲಿದ್ದಾರೆ.