ಮುಂಬೈ: ಸುಶಾಂತ್ ಸಿಂಗ್ ರಾಜಪೂತ್ ಸಾವಿನ ಪ್ರಕರಣದಲ್ಲಿ ಆರೋಪ ಎದುರಿಸುತ್ತಿರುವ ನಟಿ ರಿಯಾ ಚಕ್ರವರ್ತಿ, ಆಕೆಯ ಸಹೋದರನನ್ನು ನಾರ್ಕೋಟಿಕ್ ಅಧಿಕಾರಿಗಳು ಬಂಧಿಸಿದ್ದಾರೆ.
ಈ ಸಂಬಂಧ ರಿಯಾ ಸಹೋದರ ಶೋವಿಕ್ ಚಕ್ರವರ್ತಿ ಎನ್ಸಿಬಿ ಅಧಿಕಾರಿಗಳಿಗೆ ವಿಚಾರಣೆಯ ವೇಳೆ ಹಲವು ವಿಷಯ ಬಹಿರಂಗಪಡಿಸಿದ್ದಾನೆ ಹಲವಾರು ಬಾರಿ ಸುಶಾಂತ್ ಸಿಂಗ್ ಗೆ ಗಾಂಜಾ, ವಿಡ್ ಸರಬರಾಜು ಮಾಡಿರುವುದಾಗಿ ಹೇಳಿಕೊಂಡಿದ್ದು, ಲಾಕ್ಡೌನ್ ಗೆ ಮೊದಲು ಹಾಗೂ ನಂತರ ಡ್ರಗ್ಸ್ ಪೂರೈಸಿದ್ದೆ ಎಂದು ಹೇಳಿದ್ದಾನೆ. ಇದಕ್ಕೆ ಸಂಬಂಧಿಸಿದ ಎಲ್ಲಾ ಬಿಲ್ಗಳನ್ನು ರಿಯಾ ತನ್ನ ಕಾರ್ಡ್ ನಿಂದ ಪಾವತಿಸಿದ್ದರು ಎಂದು ಅಧಿಕಾರಿಗಳಿಗೆ ತಿಳಿಸಿದ್ದಾನೆ.
ಎನ್ಸಿಬಿಯಿಂದ ಈಗಾಗಲೇ ಬಂಧನಕ್ಕೊಳಗಾಗಿರುವ ಡ್ರಗ್ ಪೆಡ್ಲರ್ ಗಳಾದ ಬಸಿತ್ ಪರಿಹಾರ್, ಸುರ್ದೀಪ್ ಮಲ್ಹೋತ್ರಾ ಡ್ರಗ್ಸ್ ಪೂರೈಸುತ್ತಿದ್ದರು ಎಂದು ಶೋವಿಕ್ ಬಹಿರಂಗಪಡಿಸಿದ್ದಾನೆ. ಸುಶಾಂತ್ ಡ್ರಗ್ಸ್ ಬಳಸುತ್ತಿದ್ದ ಎಂದು ಸ್ಯಾಮುಯಲ್ ಮಿರಿಂಡಾ, ಸಿದ್ಧಾರ್ಥ್ ಪಿತಾನಿ ತನಗೆ ಹೇಳಿದ್ದರು ಎಂದು ತಿಳಿಸಿದ್ದಾನೆ.