ಕೊನೆಗೂ ಮಸಾಲಾ ಹುಡುಗಿ ಬೃಂದಾಳಿಗೆ ಕಂಕಣ ಭಾಗ್ಯ ಒಲಿದು ಬಂದಿದೆ. ಯಾರು ಈ ಬೃಂದಾ? ನಟ ಉಪೇಂದ್ರ ಜೊತೆ ಕುಣಿದ ಗುಜರಾತಿನ 'ಬುದ್ಧಿವಂತ' ಬೆಡಗಿಯೇ ಈಕೆ. ಕನ್ನಡ ಸೇರಿದಂತೆ ತೆಲುಗು, ತಮಿಳು ಹಾಗೂ ಹಿಂದಿಯಲ್ಲಿ ಒಂದಷ್ಟು ಬೆಚ್ಚಗಿನ ಹಾಡುಗಳಿಗೆ ಕುಣಿದು ಬಿಸಿ ಏರಿಸಿದ ಹುಡುಗಿ ಬೃಂದಾ ಪರೇಖ್. ಮುಂಬೈನಲ್ಲಿ ವಿವಾಹವಾಗಿದ್ದರಿಂದ ಸಹಜವಾಗಿ ಬಾಲಿವುಡ್ ಅಂಗಳದ ಹಲವು ಬಾದ್‌ಷಾಗಳು ಬಂದು ಬೃಂದಾಳ ದಾಂಪತ್ಯ ಜೀವನಕ್ಕೆ ಶುಭ ಹಾರೈಸಿದರು. ಅಜಯ್ ಎಂಬುವರನ್ನು ಕೈ ಹಿಡಿದಿರುವ ಈಕೆ, ಅಭಿನಯಕ್ಕಿಂತ ಮೈ ಪ್ರದರ್ಶನ ಮಾಡುವುದರಲ್ಲೇ ಹೆಚ್ಚು ಪ್ರಸಿದದ್ಧಿಯಾದ ನಟಿ. ಮಾಡೆಲಿಂಗ್ ಲೋಕದಿಂದ ಟಿವಿ ಜಾಹೀರಾತು, ಆ ನಂತರ ಸಿನಿಮಾ ಪರದೆಗೆ ಕಾಲಿಟ್ಟ ಹುಡುಗಿ.