ಮುಂಬೈ: ಬಾಲಿವುಡ್ ಜೋಡಿಗಳ ವದಂತಿ ಪತ್ರಿಕೆಗಳ ತಲೆಬರಹವಾಗುವುದೇನೂ ಹೊಸದಲ್ಲ. ಈಗ ಬಾಲಿವುಡ್ ಜೋಡಿ ರಣಬೀರ್ ಕಪೂರ್ ಮತ್ತು ಕತ್ರಿನ ಕೈಫ್ ತಮ್ಮ ಕೆಲಸದಿಂದ ವಿರಾಮ ತೆಗೆದುಕೊಂಡು ಪ್ರವಾಸಕ್ಕಾಗಿ ಮಾಲ್ಡಿವ್ಸ್ ದ್ವೀಪಕ್ಕೆ ಹಾರಿದ್ದಾರೆ.
ಮಾಲ್ಡಿವ್ಸ್ ನಲ್ಲಿ ವಿಮಾನ ಭೂಸ್ಪರ್ಷ ಮಾಡಿದಾಗ ಕತ್ರಿನಾ-ರಣಬೀರ್ ಜೋಡಿ ಒಟ್ಟಿಗೆ ಇರುವುದು ಕಂಡುಬಂದಿದೆ.
ಬಾಲಿವುಡ್ ನಲ್ಲಿ ಕೈತುಂಬಾ ಕೆಲಸ ಇರುವ ಈ ಇಬ್ಬರೂ ನಟ ನಟಿಯರು ಮದುವೆಯಾಗುತ್ತಾರೆ ಎಂಬ ವದಂತಿಗಳು ಇತ್ತೀಚೆಗೆ ದಟ್ಟವಾಗಿದ್ದವು. ಕತ್ರಿನಾ ಸದ್ಯಕ್ಕೆ 'ಫಿತೂರ್' ಮತ್ತು 'ಜಗ್ಗ ಜಾಸೂಸ್' ಚಲನಚಿತ್ರಗಳಲ್ಲಿ ನಿರತರಾಗಿದ್ದರೆ, ರಣಬೀರ್ 'ಬಾಂಬೆ ವೆಲ್ವೆಟ್' ಮತ್ತು 'ತಮಾಶಾ' ಚಿತ್ರಗಳಲ್ಲಿ ಕಾರ್ಯನಿರತರಾಗಿದ್ದಾರೆ.
ಇದಕ್ಕೂ ಮುಂಚೆ ವಿರಾಮಕ್ಕೆಂದು ಸ್ಪೇನ್ ಗೆ ತೆರಳಿದ್ದ ಈ ಜೋಡಿ, ಅಲ್ಲಿನ ಅಭಿಮಾನಿಗಳ ಆಕರ್ಷಣೆಯಾಗಿದ್ದರು.
ಇತ್ತೀಚಿಗೆ ಕಪೂರ್ ಕುಟುಂಬದ ಒಂದುಗೂಡಿದ್ದ ಒಂದು ಕಾರ್ಯಕ್ರಮದಲ್ಲಿ ಕತ್ರಿನಾ ಕಂಡುಬಂದಿದ್ದರು. ಮುಂಬೈನ ಐಶಾರಾಮಿ ಹೋಟೆಲೊಂದರಲ್ಲಿ ಇಡಿ ಕುಟುಂಬ ಊಟ ಮಾಡಿದ್ದು, ಅದರಲ್ಲಿ ಕತ್ರಿನಾ ಭಾಗಿಯಾಗಿದ್ದು ವರದಿಯಾಗಿತ್ತು.