ಹಲವಾರು ವಿವಾದಗಳ ನಂತರ ಕಮಲ್ ಹಾಸನ್ ಅವರ 'ಉತ್ತಮ ವಿಲನ್' ಬಿಡುಗಡೆಯಾಗಿ ಅಷ್ಟೇನೂ ಯಶಸ್ಸು ಕಾಣಲಿಲ್ಲ. ಈಗ ಹಿಂದಿ ಸಿನಿಮೋದ್ಯಮಕ್ಕೆ ಹಿಂದಿರುಗಲು ಕಮಲ್ ಹಾಸನ್ ಸಿದ್ಧರಾಗಿದ್ದಾರೆ. ಈ ಸಿನೆಮಾವನ್ನಿ ನಟಿಸಿ ನಿರ್ದೇಶಿಸಲಿದ್ದಾರೆ ಕೂಡ. 'ಅಮರ್ ಹೈ' ಎಂಬ ಶೀರ್ಷಿಕೆಯ ಈ ಸಿನೆಮಾದಲ್ಲಿ ಕಮಲ್ ಜೊತೆ ಸೈಫ್ ಅಲಿ ಖಾನ್ ಕೂಡ ನಟಿಸಲಿದ್ದಾರೆ.
ಈ ಸ್ಕ್ಪ್ರಿಟ್ ಸಿದ್ಧಪಡಿಸಲು ಕಮಲ್ ಆರು ವರ್ಷಗಳ ಕಾಲ ದುಡಿದಿದ್ದಾರೆ ಎಂದು ತಿಳಿದುಬಂದಿದೆ "ಇದು ಭಾವನೆಗಳನ್ನು ಹೊಂದಲಾದ ಆಕ್ಷನ್ ಸಿನೆಮಾ" ಎಂದು ತಿಳಿದುಬಂದಿದೆ.
ಮುಂಬೈ ಮಿರರ್ ವರದಿಯ ಪ್ರಕಾರ "ಹಲವು ನಟರ ಶಕ್ತಿ ಸಿನೆಮಾವನ್ನು ಗೆಲ್ಲಿಸುತ್ತದೆ. ಸೈಫ್ ಅವರಿಗೆ ಪ್ರಮುಖವಾದ ಹಾಗೂ ಸಮನಾದ ಪಾತ್ರವಿದೆ. ಅವರದ್ದು ಒಳ್ಳೆಯ ಮನುಷ್ಯನ ಪಾತ್ರ ಆದುದರಿಂದ ಅವರೇ ಹೀರೋ" ಎಂದು ೬೦ ವರ್ಷದ ಹಿರಿಯ ನಟ ಕಮಲ್ ತಿಳಿಸಿದ್ದಾರೆ.
ರಾಜಕೀಯ, ಹಣಕಾಸು ಮತ್ತು ಭೂಗತ ಲೋಕ ದ ವಿಷಯಗಳಿರುವ ಈಸಿನೆಮಾವನ್ನು ಮುಂಬೈ, ದೆಹಲಿ, ಲಂಡನ್, ದುಬೈ, ಜಾರ್ಡನ್ ಮತ್ತು ಅಮೇರಿಕಾದಲ್ಲಿ ಚಿತ್ರೀಕರಣ ಮಾಡಲಾಗುತ್ತದೆ. ೨೦೦೫ರ 'ಮುಂಬೈ ಎಕ್ಸ್ಪ್ರೆಸ್' ನಂತರ ಇದು ಮೊದಲ ಹಿಂದಿ ಸಿನೆಮಾ ಕಮಲ್ ಅವರಿಗೆ.