ಇನ್ ಆಂಖೋ ಕೆ ಮಸ್ತಿ, ಮಸ್ತಾನೆ ಹಜಾರೋ.. ಈ ಹಾಡು ಕೇಳದವರುಂಟೆ! ಸೌಂದರ್ಯಕ್ಕೆ ಇನ್ನೊಂದು ಹೆಸರೇನೊ ಎಂಬಂತಿದ್ದ ರೇಖಾ ನಟಿಸಿದ ಈ ಗೀತೆ ಸಾರ್ವಕಾಲಿಕ ಜನಪ್ರಿಯ ಹಿಂದಿ ಗೀತೆಗಳ ಸಾಲಿನಲ್ಲಿ ಸದಾ ಕಾಲ ಉಳಿಯುವ ಗೀತೆ. 

ರೇಖಾ ಜನ್ಮದಿನದ ಹಿನ್ನೆಲೆಯಲ್ಲಿ ಅವರ ಸೌಂದರ್ಯವನ್ನು, ನೆನಪುಗಳನ್ನು ಮತ್ತೆ ಜೀವಂತಗೊಳಿಸುವಂಥ ಕೆಲಸವೊಂದನ್ನು ಅವರ ಹುಟ್ಟುಹಬ್ಬಕ್ಕೆ ಉಡುಗೊರೆಯಾಗಿ ಮಾಡಲಾಯಿತು. ಸೌಜನ್ಯ ಮದಭೂಷಿ ಎಂಬ ಗಾಯಕಿಯ ಮೂಲಕ ಇನ್ ಆಂಖೋಕೆ ಮಸ್ತಿ ಗೀತೆಯನ್ನು ಹಾಡಿಸಿ ಅದನ್ನು ವಿಡಿಯೋ ರೂಪದಲ್ಲಿ ಹೊರತರಲಾಯಿತು. ಇದನ್ನು ಮಾಡಿದ್ದು ಯೂಟ್ಯೂಬ್ ಪ್ರಸಿದ್ಧ ಚಾನೆಲ್ ಬೀಯಿಂಗ್ ಇಂಡಿಯನ್ ಮ್ಯೂಸಿಕ್. 

ರೇಖಾ ಅವರನ್ನು ಹೋಲುವ ನಟಿಯನ್ನು ವಿಡಿಯೋದಲ್ಲಿ ಬಳಸಲಾಗಿದ್ದು, ರೇಖಾ ಅವರ ಸೌಂದರ್ಯ, ಒನಪು, ವೈಯಾರಗಳನ್ನು ವಿಡಿಯೋದಲ್ಲಿ ಸೆರೆ ಹಿಡಿದುಕೊಡುವ ಪ್ರಯತ್ನ ಮಾಡಲಾಗಿದೆ. ಎಪ್ಪತ್ತರ ದಶಕದಲ್ಲಿ ಅಸಂಖ್ಯ ಹೃದಯಗಳ ನಿದ್ರೆಗೆಡಿಸಿದ ರೇಖಾ ನೆನಪನ್ನು ಬಿsನ್ನವಾಗಿ ಕಟ್ಟಿಕೊಡುತ್ತದೆ ಈ ವಿಡಿಯೋ.