ಬಾಜಿರಾವ್ ಮಸ್ತಾನಿ ಬಿಡುಗಡೆಗೆ ಮೊದಲೇ ಗಿನ್ನೆಸ್ ದಾಖಲೆ ಬರೆದಿದೆ. ಸಂಜಯ್ ಲೀಲಾ ಬನ್ಸಾಲಿಯ ಈ ಮಹತ್ವಾಕಾಂಕ್ಷೆಯ ಚಿತ್ರದ `ಗಜಾನನ' ಹಾಡನ್ನು ದಾಖಲೆ ರೀತಿಯಲ್ಲಿ ಬಿಡುಗಡೆ ಮಾಡಲಾಯ್ತು. 

ಪುಣೆಯ ಛತ್ರಪತಿ ಶಿವಾಜಿ ಕ್ರೀಡಾ ಕಾಂಪ್ಲೆಕ್ಸ್‍ನಲ್ಲಿ ನಡೆದ ಈ ಸಮಾರಂಭದಲ್ಲಿ 5000 ವಿದ್ಯಾರ್ಥಿಗಳು ಭಾಗವಹಿಸಿ, ಗಣಪತಿಯ ಪ್ರತಿಕೃತಿಯನ್ನು ಮಾನವ ಸರಪಣಿ ನಿರ್ಮಿಸಿ ರಚಿಸಿದರು. ಚಿತ್ರದ ಮುಖ್ಯ ಪಾತ್ರಗಳಲ್ಲಿರುವ ರಣವೀರ್ ಸಿಂಗ್ ಮತ್ತು ದೀಪಿಕಾ ಪಡುಕೋಣೆ ಸ್ಥಳದಲ್ಲಿದ್ದರು. 

'ಗಜಾನನ' ಹಾಡನ್ನು ಹಾಡಿದ ಸುಖ್ವಿಂದರ್ ಅದನ್ನು ಗುಂಪಿನ ಮುಂದೆ ಹಾಡಿ, ರಣವೀರ್ ಡೋಲು ಬಜಾಯಿಸಿ ರಂಜಿಸಿದರು. 'ಗಣಪತಿ ಅಧ್ಯಾತ್ಮಿಕ ಶಕ್ತಿಯ ಸಂಕೇತ. ಇದು ನಮ್ಮ ಚಿತ್ರದ ಪ್ರಚಾರಕ್ಕೆ ಸೂಕ್ತ ಆರಂಭ' ಅಂದವರು ಬನ್ಸಾಲಿ. ಡಿಸೆಂಬರ್ 18ರಂದು ಬಾಜಿರಾವ್ ಮಸ್ತಾನಿ ತೆರೆಗೆ ಬರಲಿದೆ.