ಮುಂಬಯಿ: ಬಾಲಿವುಡ್ ಸೂಪರ್ ಸ್ಟಾರ್ ಗಳಾದ ನಂಜಯ್ ದತ್ ಮತ್ತು ಸಲ್ಮಾನ್ ಖಾನ್ ನಡುವಿನ ಸ್ನೇಹದಲ್ಲಿ ಬಿರುಕು ಉಂಟಾಗಿದೆ ಎಂದು ಆಂಗ್ಲ ಭಾಷೆ ವೆಬ್ ಸೈಟ್ ವರದಿ ಮಾಡಿದೆ.
ಎರಡೂವರೆ ದಶಕಗಳ ಕಾಲದ ಈ ಇಬ್ಬರ ಸ್ನೇಹ ಸಂಬಂಧ ಕಾರಣಾಂತರಗಳಿಂದ ಹಳಸಿದೆ ಎನ್ನಲಾಗಿದೆ.
ಸಲ್ಮಾನ್ ಖಾನ್ ಸೂಚಿಸಿದ್ದ ಮ್ಯಾನೇಜರ್ ನನ್ನು ಸಂಜಯ್ ದತ್ ಕೆಲಸದಿಂದ ಕಿತ್ತು ಹಾಕಿದ್ದೆ ಇನರಿಬ್ಬರ ಸಂಬಂಧ ಹಳಸಲು ಪ್ರಮುಖ ಕಾರಣವಾಗಿದೆ.
ಸಂಜಯ್ ದತ್ ಯೆರವಾಡ ಜೈಲಿನಿಂದ ಬಿಡುಗಡೆಯಾದ ನಂತರ ಒಳ್ಳೆಯ ಕೆಲಸಗಳಿಗೆ ಅನುಕೂಲವಾಗಲಿ ಎಂದು ಮ್ಯಾನೇಜರ್ ಒಬ್ಬನನ್ನು ತಂದು ಸಂಜಯ್ ದತ್ ಬಳಿ ಕೆಲಸಕ್ಕೆ ಇರಿಸಿದ್ದರು. ಆದರೆ ಆ ಮ್ಯಾನೇಜರ್ ನಿರ್ಮಾಪಕರುಗಳಿಂದ ಹೆಚ್ಚಿನ ಹಣಕ್ಕೆ ಡಿಮ್ಯಾಂಡ್ ಮಾಡುತ್ತಿದ್ದುದಾಗಿ ಹೇಳಿ ಆತನನ್ನು ಕೆಲಸದಿಂದ ಕಿತ್ತು ಹಾಕಿದ್ದಾರೆ.
ಇದರಿಂದ ಸಲ್ಮಾನ್ ಖಾನ್ ಬೇಸರಗೊಂಡು ಸಂಜಯ್ ದತ್ ಮೇಲೆ ಮುನಿಸಿಕೊಂಡಿದ್ದಾರೆ ಎನ್ನಲಾಗಿದೆ. ಸಂಜಯ್ ಮತ್ತು ಸಲ್ಮಾನ್ ಖಾನ್ ಹಲವು ಸಿನಿಮಾಗಳಲ್ಲಿ ಒಟ್ಟಿಗೆ ಅಭಿನಯಿಸಿದ್ದರು. ಜೊತೆಗೆ ಬಿಗ್ ಬಾಸ್ ನ ಸೀಸನ್ ವೊಂದರಲ್ಲಿ ಇಬ್ಬರು ಆತಿಥ್ಯ ವಹಿಸಿದ್ದರು.