ಕರಾಚಿ: ಉರಿ ಸೆಕ್ಟರ್ ಮೇಲಿನ ಉಗ್ರ ದಾಳಿ ಹಾಗೂ ಪಾಕ್ ಮೇಲೆ ಭಾರತೀಯ ಯೋಧರ ಸೀಮಿತ ದಾಳಿಯಿಂದಾಗಿ ಪಾಕಿಸ್ತಾನ ಹಾಗೂ ಭಾರತ ನಡುವಿನ ದ್ವಿಪಕ್ಷೀಯ ಸಂಬಂಧಗಳು ಅಳಸಿದ್ದರಿಂದ ಇಂದು ಬಿಡುಗಡೆಯಾಗಿರುವ ಎಂಎಸ್ ಧೋನಿ: ದಿ ಅನ್ ಟೋಲ್ಡ್ ಸ್ಟೋರಿ ಚಿತ್ರವನ್ನು ಪಾಕಿಸ್ತಾನದಲ್ಲಿ ಪ್ರದರ್ಶಿಸದಿರಲು ಪಾಕ್ ಚಿತ್ರಮಂದಿರ ನಿರ್ಮಾಪಕರು ತೀರ್ಮಾನಿಸಿದ್ದಾರೆ. 

ಪರಿಸ್ಥಿತಿ ಸಹಜ ಸ್ಥಿತಿಗೆ ಮರುಳುವ ತನಕ ಪಾಕಿಸ್ತಾನದಲ್ಲಿ ಭಾರತೀಯ ಚಿತ್ರಗಳು ಬಿಡುಗಡೆಯಾಗಲ್ಲ ಎಂದು ಮಂಡ್ವಿವಲ್ ಎಂಟರ್ ಟೈನ್ ಮೆಂಟ್ ಮಾಲೀಕ ನದೀಮ್ ಮಂಡ್ವಿವಲ್ ಹೇಳಿದ್ದಾರೆ. 

ಹಿಂದಿನ ವಾರಗಳಲ್ಲಿ ಅಮಿತಾಬ್ ಬಚ್ಚನ್ ಅಭಿನಯದ ಪಿಂಕ್ ಮ್ತುತ ಬನ್ಜೋ ಚಿತ್ರಗಳು ಬಿಡುಗಡೆಯಾಗಿದ್ದವು. ಆದರೆ ಇಂದು ಜಗತ್ತಿನಾದ್ಯಂತ ಎಂಎಸ್ ಧೋನಿ: ದಿ ಅನ್ ಟೋಲ್ಡ್ ಸ್ಟೋರಿ ಚಿತ್ರ ಬಿಡುಗಡೆಯಾಗುತ್ತಿದ್ದು ಚಿತ್ರದಲ್ಲಿ ಪಾಕಿಸ್ತಾನ ಕ್ರಿಕೆಟ್ ವಿರೋಧಿ ಧೋರಣೆ ಇರುವುದರಿಂದ ಚಿತ್ರ ಬಿಡುಗಡೆ ಮಾಡಲಾಗುವುದಿಲ್ಲ ಎಂದು ಹೇಳಿದ್ದಾರೆ.